अजित पवार यांनी संजय राऊत यांच्या कृतीविषयी भाष्य केल्यानंतरया वादाला तोंड फुटले होते. अजित पवार यांनी संजय राऊत यांच्या बोचऱ्या टीकेनंतरही सामंजस्याची भूमिका घेतली होती. महाराष्ट्राची संस्कृती, परंपरा आहे. प्रत्येकाने तारतम्य ठेवून वागावे. ते मोठे व महान नेते आहेत. त्यांच्या बोलण्याने अंगाला छिद्र पडत नाही, असे सांगत अजित पवार यांनी या वादावर पडदा टाकला होता. त्यानंतर आता संजय राऊत यांनीही अजित पवार यांच्याविषयी कठोर शब्दांत केलेल्या टीकेविषयी खेद व्यक्त करत आपल्या बाजूनेही हा वाद संपल्याचे संकेत दिले आहेत.
Sanjay Raut: स्वातंत्र्यवीर सावरकरही गद्दारांवर थुंकले होते, गद्दारांवर थुंकणे हा संस्कृतीचा भाग: संजय राऊतसंजय राऊत नेमकं काय म्हणाले होते?
धरणामध्ये लघुशंका करण्यापेक्षा थुंकणे चांगले, असा खोचक टोला शिवसेना गटाचे खासदार संजय राऊत यांनी राज्याचे विरोधी पक्षनेते अजित पवार यांना लगावला. आम्ही भोगूनही जमिनीवर आहोत. इकडे तिकडे पळालो नाही. पक्षाबरोबर ठामपणे उभे आहोत. संकट आले म्हणून भाजपसोबत सूत जुळविण्याचा विचार आमच्या मनात येत नाही, असा चिमटाही राऊत यांनी घेतला.
नाना पटोलेंच्या बॅनर्सवर राऊत म्हणाले…
काँग्रेस प्रदेशाध्यक्ष नाना पटोले यांचा आज वाढदिवस आहे. यानिमित्ताने काँग्रेसच्या कार्यकर्त्यांनी पटोले यांना शुभेच्छा देताना त्यांचा उल्लेख भावी मुख्यमंत्री असा केला आहे. याविषयी संजय राऊत यांना विचारणा केली असता त्यांनी म्हटले की, अशाप्रकारचे बॅनर्स नेते लावायला सांगत नाहीत. हा समर्थकांचा अतिउत्साह असतो. यापूर्वी आदित्य ठाकरे आणि अजित पवार यांच्या नावानेही असेच बॅनर्स लागले होते, याकडे संजय राऊत यांनी लक्ष वेधण्याचा प्रयत्न केला.
