बालासोर : ओडिशामधील बालासोर जिल्ह्यातील बहानगामध्ये कोरोमंडल एक्स्प्रेस, बंगळुरु हावडा एक्स्प्रेस आणि मालगडीचा अपघात जाला. या अपघातात २८८ जणांचा मृत्यू झाला. या अपघाताच्या घटनास्थळी आता रेल्वे ट्रॅक पूर्ववत करण्याचं काम सुरु आहे. बुधवार सकाळपर्यंत स्थिती पूर्ववत करण्यात येणार असल्याची माहिती केंद्रीय मंत्री अश्विनी वैष्णव यांनी दिली आहे. अपघाताची माहिती एनडीआरएफला कशी मिळाली याबाबत अपडेट समोर आली आहे.कोरोमंडल एक्सप्रेसमधून एनडीआरएफचा जवान प्रवास करत होता. त्या जवानानं एनडीआरएफला अपघाताबाबत माहिती देत आपत्कालीन यंत्रणांना माहिती दिली होती. त्या जवानाचं नाव वेंकटेश एन.के असं आहे.

वेंकटेश एन.के हे सुट्टीवर होते ते पश्चिम बंगालमधील हावडा येथून तामिळनाडूला निघाले होते. शालिमार चेन्नई सेंट्रल कोरोमंडल एक्स्प्रेस उभ्या असलेल्या मालगाडीला धडकली. यानंतर एक्स्प्रेसचे डबे दुसऱ्या ट्रॅकवर गेले यानंतर बंगळुरु हावडा सुपरफास्ट एक्स्प्रेस देखील अपघातग्रस्त झाली होती. रेल्वे अधिकाऱ्यांनी दिलेल्या माहितीनुसार वेंकटेश थोडक्यात बचावले कारण कोच बी-७ रुळावरुन घसरेलला होता मात्र दुसऱ्या डब्याला थडकला नव्हता. वेकंटेश थर्ड एसी कोचमधून प्रवेश करत होते. त्यांचा सीट नंबर ५८ होता.

वेंकटेश सुट्टीवर निघालेले

वेंकटेश एनडीआरएफच्या दुसऱ्या बटालियनमध्ये कार्यरत आहेत. अपघातानंतर त्यांनी अपघाताची माहिती वरिष्ठ निरिक्षकांना फोन करुन माहिती दिली. व्हाटसअपवरून त्यांनी घटनास्थळाचं लाइव्ह लोकेशन पाठवलं. यामुळं बचावकार्य करणाऱ्या पथकांना घटनास्थळी पोहोचण्यासाठी फायदा झाला. वेंकटेश यांनी सांगितल की त्यांना अपघातावेळी पहिला धक्का बसला. त्यानंतर कोचमध्ये काही जणांना कोलमडून पडताना बघितल्याचं त्यांनी सांगितलं. त्यानंतर मी पहिल्या प्रवाशाला बाहेर काढलं आणि रेल्वे ट्रॅक जवळी दुकानाजवळ बसवलं. त्यानंतर दुसऱ्या प्रवाशाला वाचवण्यासाठी पळत गेलो, असं वेंकटेश यांनी सांगितलं. वेंकटेश यांनी मेडिकल दुकानाचे मालक आणि स्थानिक लोक खरे रक्षक होते. त्यांनी जखमींची मदत केली. त्यांच्याकडून जितकं शक्य होतं तितकं त्यांनी दिलं बचावकार्यात त्यांनी सहकार्य केलं, असं सांगितलं.

ऋतुराजच्या बायकोने लग्नापूर्वीच घेतलेला धोनी भावोजींचा आशीर्वाद, IPL फायनलनंतरचा Video Viral

स्वत: बचावकार्य सुरु केलं…

भुवनेश्वर येथून १७० किमी उत्तरेकडे बालासोरमध्ये बहनागा बाजार स्टेशन जवळ हा भीषण अपघात झाला. एका अधिकाऱ्यानं दिलेल्या माहितीनुसार जवान वेंकटेश कोरोमंडल एक्स्प्रेसमधून प्रवास करत होते. ते तामिळनाडूचे असल्यानं सुट्टीवर निघाले होते. अपघात होताच त्यांनी कोलकाता येथे त्यांच्या वरिष्ठांना त्यांनी माहिती दिली. तो पहिला फोन कॉल असावा, ज्यामुळं एनडीआरएफला माहिती मिळाली. त्यानंतर स्थानिक प्रशासनाला माहिती मिळाली, असं सांगितलं.
Pune News: रिक्षाचालक कानाला कडकडून चावला, चव्हाणांच्या कानाचा लचकाच लुटला, पुण्यातील भयंकर घटना
वेंकटेश एन के हे बीएसएफमध्ये कार्यरत होते. ते २०२१ पासून एनडीआरएफमध्ये रुजू झाले होते. अपघाता जखमी झालेल्या प्रवाशांना वाचवण्यासाठी मोबाइल फोनच्या लाइटचा वापर केल्याचं ते म्हणाले. अपघातावेळी अंधार होता त्यावेळी बचावकार्यासाठी स्थानिक लोकांनी मदत केली. स्थानिकांनी मोबाइल फोन आणि टॉर्चचा वापर केला, असं वेंकटेश एन.के. म्हणाले.
Odisha Train A​ccident Reason : ओडिशा रेल्वे दुर्घटनेचं खरं कारण कळलं, रेल्वे मंत्र्यांची मोठी माहिती

LEAVE A REPLY

Please enter your comment!
Please enter your name here