मॉस्को: परदेशात भारताविरोधात सुरू कटकारस्थानांची माहिती सरकारपर्यंत पोहचवण्याची जबाबदारी असणाऱ्या रिसर्च अँड अ‍ॅनलिसिस विंग म्हणजे ‘रॉ’चा समावेश जगातील सर्वोत्तम गुप्तचर संघटनमध्ये केला जातो. सोव्हिएत रशियामध्ये १९८० च्या दशकात दोनजण ”साठी हेरगिरी करत होते. त्यातील एकजण रशियाचे विद्यमान राष्ट्राध्यक्ष आणि माजी केजीबीचे प्रमुख पुतीन यांची प्रेयसी असल्याचा दावा करण्यात आला आहे. ‘रॉ’चे दोन्ही एजंट्स रशियाच्या महत्त्वाच्या व्यक्तींशी संबंधित असल्याकडे पुस्तकात निर्देश करण्यात आला आहे.

पत्रकार यतीश यादव यांनी RAW, History of Indies covert operation या पुस्तकात दावा केला आहे. या पुस्तकात रॉच्या मोहिमांबाबत माहिती असून संसदेवरील हल्ल्याबाबतही खुलासा करण्यात आला असल्याची चर्चा आहे. यादव यांच्या दाव्यानुसार, तत्कालिन सोव्हिएत युनियनचे अध्यक्ष मिखाईल गोर्बचेव्ह १९८८ मध्ये भारत दौऱ्यावर आले होते. त्यावेळी रॉच्या अधिकाऱ्यांनी आपली मोहीम सुरू केली. ‘रॉ’चे अधिकारी अशोक खुराणा (सांकेतिक नाव) यांनी जवळपास दशकभर सुरू असलेल्या मोहिमेसाठी दोन एजंट्स तयार केले. त्यावेळचे सोव्हिएतचे परराष्ट्र मंत्री एडवर्ड एम्ब्रोसिएविच शेवार्डनाड्स आणि रशियाचे विद्यमान राष्ट्रपती व्लादिमीर पुतीन यांच्याशी संबंध असल्याकडे निर्देश करण्यात आला आहे. या पुस्तकात थेट नाव देण्याचे टाळले असले असले तरी व्यक्तीचे पद व इतर माहिती देऊन त्या अधिकाऱ्यांची ओळख सांगण्याचा प्रयत्न केला आहे.

अलेक्सांड्रा सोव्हिएत रशियाच्या अतिशय वरिष्ठ पातळीवरील राजकीय नेत्याचा भाऊ असलेला होता. खुराणा यांनी त्याची या दौऱ्या दरम्यान भेट घेतली होती. त्यानंतर एक महिन्याने त्याने खुराणा यांना अनास्तासियाबाबत माहिती दिली. अनास्तासियाचे अॅलेक्सीसोबत प्रेमसंबंध सुरू होते. अॅलेक्सीचे रशियाच्या एफएसबी या संघटनेत मोठे वजन होते. रॉचे अधिकारी असलेल्या खुराणा यांनी अ‍ॅलेक्सांड्रे आणि अनास्तासिया या दोघांनाही ‘रॉ’साठी काम करण्यास राजी केले.

वाचा:

या दोन एजंट्समुळे ‘रॉ’ ला मोठा फायदा झाला. त्यावेळी जर्मनीचे एकत्रीकरण करण्याबाबतची अमेरिका-रशियाची योजना, अणवस्त्रांबाबतचे धोरण, चीन-पाकिस्तानला करत असलेली मदत आदी माहिती मिळत होती. त्याआधारे भारतीय गुप्तचर संस्था आपले डावपेच आखत होते.

या पुस्तकातील दाव्यानुसार, अनास्तासियाचा प्रियकर अ‍ॅलेक्सीने रशियाच्या राजकारणात उतरून १९९९ या वर्षात महत्त्वाची भूमिका बजावली होती. लेखक यतीश यादव यांचा इशारा स्पष्टपणे पुतीन यांच्याकडे आहे. पुतीन हे रशियन गुप्तचर संस्था केजीबीचे हेर होते. त्याशिवाय, रशियन गुप्तचर संस्थांमध्ये त्यांचे वजन होते. पुतीन १९९८-९९मध्ये एफएसबीचे प्रमुख झाले होते. पुढे राजकारणात उतरत त्यांनी पंतप्रधानपद काबीज केले.

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

LEAVE A REPLY

Please enter your comment!
Please enter your name here