Congress News : आगामी लोकसभा निवडणूक काँग्रेसनं गंभीरपणे घेत असल्याचं समोर आलं आहे. काँग्रेसनं देशातील ३०० जागांवर विशेष टीम स्थापन करुन मोर्चेबांधणी सुरु केल्याची माहिती आहे.
हायलाइट्स:
- काँग्रेसचं लोकसभेसाठी मेगा प्लॅनिंग सुरु
- ३०० मतदारसंघांत काम सुरु
- नवी दिल्लीतील कोअर टीमचा अभ्यास सुरु
भाजपने २०१४च्या लोकसभा निवडणुकीत विजय मिळवला होता. त्यानंतर २०१९मध्येही भाजपची सत्ता कायम राहिली. आता २०२४च्या लोकसभा निवडणुकीसाठी देशभर सर्वच राजकीय पक्षांकडून मोर्चेबांधणी सुरू झाली आहे. काँग्रेस नेते राहुल गांधी यांनी गेल्या वर्षी भारत जोडो पदयात्रा काढून जोरदार वातावरणनिर्मिती केली. दक्षिणेतून सुरू झालेल्या या पदयात्रेमुळे काँग्रेसला कर्नाटकात फायदा झाल्याचे काँग्रेस नेते सांगतात. या यात्रेदरम्यानच काँग्रेसचा लोकसभा प्लॅन निश्चित झाल्याचे सूत्रांनी सांगितले. काँग्रेसचे परंपरागत मतदारसंघ, जिथे केडर आहे, अशा ३००पेक्षा अधिक मतदारसंघांना पहिल्या टप्प्यात लक्ष्य करण्यात आले आहे. या मतदारसंघांसाठी दिल्लीतून विशेष टीम तैनात केल्या असून, संबंधित लोकसभा मतदारसंघात पक्षबांधणी, स्थानिक प्रश्न, गरजा ओळखून कार्यपद्धतीत बदल करण्याच्या सूचना देण्यात येत आहेत.
अपघात विम्यासंदर्भात मुंबई हायकोर्टाचा ऐतिहासिक निकाल, वाहनधारकांसाठी महत्त्वाची अपडेट, १२ वर्षांचा लढा यशस्वी
दिल्लीतील टीमकडून अभ्यास
केंद्र सरकारला नऊ वर्षे पूर्ण झाली. या नऊ वर्षांत केंद्र सरकारचे नेमके काय चुकले? यावर निशाणा साधून देशभरात एकाच दिवशी पत्रकार परिषदा घेऊन मुद्दे मांडण्यात आले. काँग्रेसने निवडलेल्या मतदारसंघांमध्ये सूक्ष्म अभ्यास करून पुढची दिशा ठरविण्यात येत आहे. मागच्या निवडणुकीतील काँग्रेस उमेदवाराची सद्यस्थिती काय आहे? पक्षबदल केला आहे काय? मतदारसंघात केडर कितपत आहे? त्यात वाढ करावी लागणार आहे काय? याचा अभ्यास करून दिल्लीतील कोअर टीमच्या मार्गदर्शनानुसार कार्यक्रम आखले जात असल्याचे मुंबईतील उच्चपदस्थ सूत्रांनी सांगितले.
Navi Mumbai: नेरूळच्या वंडर्स पार्कमध्ये स्काय राइडचा कंट्रोल सुटला, लोखंडी कठड्यावर पाळणे घासत गेले अन्…
यंत्रणेमार्फत माहिती संकलन
लोकसभा मतदारसंघांमध्ये काम करताना स्थानिक संघटनेत अंतर्गत वाद, अडचणी काय आहेत याची स्वतंत्र यंत्रणा राबवून माहिती घेतली जात आहे. शिवाय राज्यनिहाय परिस्थिती पाहून मतदारसंघ निवडले आहेत. ज्या राज्यांमध्ये स्थानिक युती केली जाईल तिथे काँग्रेस प्रबळ असलेल्या मतदारसंघांसाठी निश्चितच पक्ष आग्रही असेल. जागावाटपाच्या वेळी काँग्रेसची कितपत तयारी झाली आहे याचेही सादरीकरण मित्रपक्षासमोर केले जाऊ शकते. या पार्श्वभूमीवर महाराष्ट्रात काँग्रेसने बलस्थान असलेल्या मतदारसंघांवर लक्ष्य केंद्रित केले आहे. त्याचा भविष्यात किती फायदा होणार हे आगामी काळच दाखवून देणार आहे.
अजित पवारांनी भाजपला अडचणीत आणणारा प्रश्न विचारत टेन्शन वाढवलं, कामाला लागण्यासाठी कार्यकर्त्यांना दिला मंत्र
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
