रिंकू सिंगची फ्लाइटमध्ये वाईट अवस्था
कोलकाता नाईट रायडर्सने रिंकू सिंगचा एक व्हिडिओ सोशल मीडिया प्लॅटफॉर्म इन्स्टाग्रामवर शेअर केला आहे. या व्हिडिओच्या सुरुवातीला रिंकू सिंग झोप घेत आरामात फ्लाइटमध्ये प्रवास करताना दिसत आहे. पण, दुसऱ्या भागात रिंकू सिंग फ्लाइटमध्ये होणाऱ्या टर्ब्युलन्समुळे खूपच घाबरलेला दिसत आहे. यासोबतच हवेचा दाब जास्त असल्याने विमान विमानतळावर उतरू शकत नसल्याचंही तो सांगताना दिसत आहे. यादरम्यान, तो देवाकडे प्रार्थना करताना दिसतो आहे. रिंकू सिंगचा हा व्हिडिओ सध्या सोशल मीडियावर व्हायरल होत आहे.
सिक्स-पॅक ऍब्समधील फोटो व्हायरल
रिंकू सिंग सध्या मालदीवमध्ये असून तो त्याच्या सुट्टीचा आनंद घेत आहे. त्याचे फोटो सोशल मीडियावर व्हायरल होत आहेत. तो पूलमध्ये मस्ती करताना दिसत आहे. त्याचे सिक्स पॅक अॅब्समधील फोटो पाहून चाहते भलतेच खूश झाले आहेत. भारतीय संघाचा फलंदाज शुभमन गिलची बहीण शहनील गिलनेही त्याच्या फोटोवर कमेंट केली आहे. शाहनीलने लिहिले – ओ हिरो. शाहनील गिलच्या या कमेंटनंतर सोशल मीडियावर वेगवेगळ्या प्रतिक्रिया उमटत आहेत.
IPL 2023 मध्ये जोरदार कामगिरी
रिंकू सिंग हा आयपीएल २०२३ मध्ये कोलकाता नाईट रायडर्ससाठी हिरो ठरला. तो केकेआरसाठी सर्वाधिक धावा करणारा खेळाडू ठरला. तर या सीझनमध्ये सर्वाधिक धावा करणारा नववा खेळाडू ठरला. आयपीएल २०२३ मध्ये, रिंकू सिंगने १४ सामन्यात ५९.२५ च्या सरासरीने ४७४ धावा केल्या. त्याचवेळी गुजरात टायटन्सविरुद्ध रिंकू सिंगने सलग ५ चेंडूत ५ षटकार ठोकत संघाला विजय मिळवून दिला होता.
नको जाऊ गं… बापाने पाया पडल्या, विनवण्या केल्या, पण त्या निष्ठुर पोरीने काही ऐकलं नाही, अन्… पाहा VIDEO
