पोलिसांनी दिलेल्या माहितीनुसार, अंबाजोगाई रोडवरील अंबा हनुमान मंदिराच्या पाठीमागे रेणुका नगरमध्ये दिनू जानकर यांच्या घरात सोमनाथ मधुकर क्षीरसागर (वय ४८ वर्ष) गेल्या काही वर्षापासून भाड्याने राहत होते. सोमनाथ नेहमीच पत्नी मंगल क्षीरसागर यांना काही ना काही कारणावरून सतत मारहाण करत. याचा राग त्यांचा २३ वर्षीय रोहित क्षीरसागर याला येत असे. मात्र आईच्या आणि इतरांच्या समजवण्यामुळे तो वाद घालून शांत बसायचा.
दरम्यान ३ जूनच्या रात्री साडे नऊ वाजताच्या सुमारास सोमनाथ क्षीरसागर आणि त्यांची पत्नी मंगल क्षीरसागर यांच्यात पुन्हा वाद सुरू झाला. वादाचे रूपांतर हाणामारीत झाले. सोमनाथ क्षीरसागर यांनी त्यांच्या पत्नीला मारहाण करण्यास सुरुवात केली. यांची भांडण नेहमीची आहेत म्हणून शेजारीही कोणी भांडण सोडविण्याच्या भानगडीत पडले नाही.
रायगडाच्या पायऱ्या चढताना शिवभक्ताचा मृत्यू, शिवराज्याभिषेक दिन सोहळ्यावेळीच दुर्घटना
वारंवार घडणाऱ्या या प्रकाराचा राग रोहित क्षीरसागर याच्या डोक्यात गेला. अन् आईला मारहाण करणाऱ्या बापाचा त्याने जागीच खून केला. रोहितने घरातील चाकूने बापाच्या पोटात आणि छातीवर सपासप वार केले. आई मंगल यांनी मुलाला आवरण्याचा प्रयत्न केला मात्र त्याच्या ताकदीपुढे ती कमी पडली.
MPSC, iPhone आणि थरारक हत्या, कोल्हापुरात बाप आणि भावानेच विद्यार्थ्याला संपवलं
यात सोमनाथ क्षीरसागर जमिनीवर कोसळले. यातच त्यांचा मृत्यू झाला. डोळ्यादेखत आपल्या पोटच्या मुलाकडून आपल्याच पतीची हत्या पाहण्याचा दुर्दैवी क्षण तिच्या आयुष्यात आला. ती धाय मोकलून रडू लागली.
दरम्यान, हत्येनंतर रोहितने घटनास्थळावरून पळ काढला. मंगल यांचा आरडाओरडा अधिकच होत असल्याचे पाहून शेजारीही धावले. अन् त्यांनाही धक्का बसला. या घटनेची माहिती पोलिसांना देण्यात आली. एमआयडीसी पोलीस घटनास्थळी दाखल झाले. त्यांनी घटनेचा पंचनामा केला.
लग्नानंतर २० दिवसात बायकोचं अफेअर समजलं; ना खूनखराबा ना शोरशराबा, नवऱ्याचा मोठा निर्णय
मंगल क्षीरसागर यांच्या फिर्यादीवरून मुलगा रोहित क्षीरसागर याच्या विरोधात एमआयडीसी पोलीस ठाण्यात गुरनं. ४०२/२०२३ कलम ३०२ भादंवि प्रमाणे गुन्हा दाखल करण्यात आला आहे. आज पहाटे रोहित क्षीरसागरला एमआयडीसी पोलीसांनी अटक केली आहे. या प्रकरणाचा अधिक तपास पोलीस उपनिरीक्षक कराड करत आहेत.
