म. टा. प्रतिनिधी, पुणे : नरवीर तानाजी मालुसरे रस्त्यावरील (सिंहगड रस्ता) किरकटवाडी भागात एका किराणामाल दुकानात घरगुती वापराच्या गॅस सिलिंडरची बेकायदा विक्री करणे एका अल्पवयीन मुलीच्या जीवावर बेतले. या दुकानात झालेल्या गॅसगळतीनंतर उडालेल्या भडक्यात गंभीर भाजलेल्या १५ वर्षीय मुलीचा ससून रुग्णालयात उपचारादरम्यान सोमवारी मृत्यू झाला. गीता मन्नाराम चौधरी (वय १५, रा. प्रेम सुपर मार्केट, माळवाडी, किरकटवाडी, सिंहगड रस्ता) असे मृत्युमुखी पडलेल्या मुलीचे नाव आहे.
दुर्घटनेत किराणामाल दुकानदार मन्नाराम चौधरी (वय ४५) आणि त्यांच्या लहान मुलीवर ससून रुग्णालयात उपचार सुरू असून, त्यांची प्रकृती चिंताजनक आहे. चौधरी यांचे किरकटवाडी भागातील माळवाडी येथे किराणा माल विक्रीचे दुकान आहे. किराणा माल दुकानात ते स्वयंपाकाच्या गॅस सिलिंडरची बेकायदा विक्री करीत होते. मोठ्या गॅस सिलिंडरमधून लहान सिलिंडरमध्ये गॅस भरण्यासाठी त्यांनी एक गोदाम भाड्याने घेतले होते. त्या ठिकाणी चौधरी बेकायदा गॅस भरायचे. गुरुवारी (एक जून) सकाळी गॅस भरत असताना गळती झाली आणि आगीचा भडका उडाला.
दुर्घटनेत किराणामाल दुकानदार मन्नाराम चौधरी (वय ४५) आणि त्यांच्या लहान मुलीवर ससून रुग्णालयात उपचार सुरू असून, त्यांची प्रकृती चिंताजनक आहे. चौधरी यांचे किरकटवाडी भागातील माळवाडी येथे किराणा माल विक्रीचे दुकान आहे. किराणा माल दुकानात ते स्वयंपाकाच्या गॅस सिलिंडरची बेकायदा विक्री करीत होते. मोठ्या गॅस सिलिंडरमधून लहान सिलिंडरमध्ये गॅस भरण्यासाठी त्यांनी एक गोदाम भाड्याने घेतले होते. त्या ठिकाणी चौधरी बेकायदा गॅस भरायचे. गुरुवारी (एक जून) सकाळी गॅस भरत असताना गळती झाली आणि आगीचा भडका उडाला.
एकाच वेळी ६ जण गेल्याने कुटुंबप्रमुख धाय मोकलून रडला; म्हणाला, कुणा-कुणाला खांदा देऊ आणि…
आगीत चौधरी आणि त्यांच्या दोन मुली गंभीररीत्या होरपळल्या. त्यांना उपचारासाठी ससून रुग्णालयात दाखल करण्यात आले. उपचारादरम्यान सोमवारी (पाच जून) गीताचा मृत्यू झाला, तर दुसऱ्या मुलीवर उपचार सुरू आहेत, अशी माहिती पोलिसांनी दिली.
दरम्यान, याप्रकरणी अधिक तपास पोलीस करत आहेत.
