कमी खर्चात बांधा आपल्या स्वप्नातलं घर! या गोष्टी टाळाल तर कराल लाखोंची बचतघर खरेदी करताना संभ्रम
घर किंवा फ्लॅट खरेदी करताना या प्रकारचा संभ्रम प्रत्येक व्यक्तींमध्ये असतो. करोना काळातील लॉकडाऊनमुळे तसेच गेल्या काही वर्षात अनेक कारणांमुळे मोठे गृहप्रकल्प रखडले आहेत. घर खरेदी करणाऱ्यांची आयुष्यभराची कमाई यात अडकली आहे. अशा स्थितीत ग्राहकांना ना घर मिळतंय ना पैसा. त्यामुळे यानंतर नागरिकांमध्ये भीतीचे वातावरण आहे. असे असूनही अनेक लोक रेडी-टू-मूव्ह फ्लॅट खरेदीला प्राधान्य देत आहेत, तर अनेकजण स्वस्तात फ्लॅट मिळण्याच्या आशेने बांधकामाधीन घरांचे बुकिंग करत आहेत. जर तुम्हीपण घर खरेदीचा विचार करत असाल, तर तुमच्यासाठी कोणते घर घ्यायचे हे आम्ही तुम्हाला सांगणार आहोत.
मालमत्ता खरेदी करताना ह्या बाबी नक्की ध्यानात ठेवा, नंतर पश्चात्ताप होणार नाही
फायदे आणि तोटे
रेडी टू मूव्ह आणि अंडर कंन्‍ट्रक्‍शन प्रॉपर्टीमध्‍ये काही मूलभूत फरक आहे, जो तुम्ही समजून घेतला पाहिजे, तुम्हाला यात काही फायदे आणि तोटेही दिसतील. त्यानंतर तुम्ही सहज निर्णय घेऊ शकता. रेडी टू मूव्ह म्हणजेच पूर्ण तयार मालमत्तेची किंमत बांधकामाधीन फ्लॅटपेक्षा जास्त असते. मात्र, या दोन्ही पर्यायांचे फायदे आणि तोटे आहेत, त्यामुळे काही गोष्टी लक्षात ठेवून तुम्ही निर्णय घ्यावा.
रेडी टू मूव्ह आणि बांधकामाधीन असलेल्या प्रॉपर्टी अन् तोटे
तुम्ही तुमची गरज आणि परिस्थितीनुसार रेडी टू मूव्ह आणि बांधकामाधीन मालमत्तेचा पर्याय निवडू शकता. जर तुमच्या मनात संभ्रम असेल तर, तर तुम्ही त्याच्याशी संबंधित अधिक चांगल्या प्रकारे समजून घेण्यासाठी काही पैलू जाणून घेऊ शकता.
मुकेश अंबानींकडून ‘राईट हँड’ला खास गिफ्ट; तब्बल १५०० कोटींची बिल्डिंग भेट; कारण काय?
- साधारणपणे रेडी टू मूव्ह आणि सारख्याच आकार आणि सुविधांसह उपलब्ध असलेल्या बांधकामाधीन मालमत्तेच्या किमतीत मोठा फरक असतो.
- रेडी-टू-मूव्ह अपार्टमेंटची किंमत बांधकामाधीन अपार्टमेंटपेक्षा १० ते ३०% जास्त असते. त्यामुळे लोक घर खरेदीदार किंवा गुंतवणुकीच्या उद्देशाने बांधकामाधीन प्रकल्पांमध्ये गुंतवणूक करतात.
- उदाहरणाद्वारे समजायचे तर एक रेडी-टू-मूव्ह अपार्टमेंट ७५ लाख रुपयांमध्ये उपलब्ध आहे, परंतु तोच बांधकामाधीन फ्लॅट ५० लाख ते ६५ लाख रुपयांमध्ये उपलब्ध आहे. कारण जसजशी मालमत्ता तयार होते तसतशी तिची किंमत वाढते.
- रेडी टू मूव्ह घराचा ताबा मिळण्यास ताबा उशीर होत नाही. आणि तुम्ही लगेच शिफ्ट करू शकता.
- या उलट जर तुम्ही बांधकामाधीन मालमत्ता खरेदीचा विचार करत असाल तर तुम्हाला त्याचा ताबा वेळेवर मिळणार की नाही, हे सांगणे थोडे कठीण आहे.
- जर तुम्ही भाड्याच्या घरात राहत असाल आणि कर्ज घेऊन रेडी-टू-मूव्ह-इन मालमत्ता खरेदी केली तर तुम्हाला भाड्यातून सवलत मिळते आणि भाड्याचे EMI मध्ये रूपांतर होते.
