Pune News : पुण्यात बापाचं बेकायदा कृत्य मुलीच्या जीवावर बेतलं; सिलिंडरमधून गॅस भरताना स्फोटात मृत्यूमिळालेल्या माहितीनुसार, ठाण्यातील कापूरबावडी पोलीस ठाण्याच्या हद्दीत राहणाऱ्या एका सहा वर्षीय चिमुकलीवर एका ४५ वर्षीय नराधमाने बलात्कार केल्याची घटना सोमवारी ५ जून रोजी दुपारच्या सुमारास घडली. या घटनेनंतर पीडित चिमुकली सायंकाळी ४.३० च्या सुमारास रडताना काही नागरिकांना दिसली. तिचा रक्तस्राव होत असल्याचे आढळल्यानंतर तिला तातडीने जिल्हा शासकीय रुग्णालयात दाखल करण्यात आले. तेव्हा हा घृणास्पद प्रकार उघड झाला. या घटनेनंतर आरोपीने घटनास्थळावरून पळ काढला. याबाबत ठाण्यातील कापूरबावडी पोलीस ठाण्यात आरोपीच्या विरोधात गुन्हा दाखल करण्यात आला आहे.
या घटनेचं गांभीर्य लक्षात घेता कापूरबावडी पोलिस ठाण्याचे वरिष्ठ पोलीस निरीक्षक उत्तम सोनवणे यांनी त्वरित या प्रकरणाच्या तपासासाठी पथक रवाना केले. या पथकाने तात्काळ आरोपीचा शोध सुरू केला. मिळालेल्या माहितीनुसार, आरोपीचे नाव चुरका शरन (छोरने) उर्फ दादू (४५) आहे. आरोपीला ट्रेस करून कापूरबावडी पोलिसांनी मुंबईच्या माहीम या परिसरातून अटक केल्याची माहिती पोलीस सूत्रांनी दिली. आरोपी विरोधात पोक्सोअंतर्गत गुन्हा दाखल करण्यात आलेला आहे. पीडित मुलीला उपचारासाठी ठाण्याच्या शासकीय रुग्णालयात दाखल करण्यात आले असून तिची प्रकृती स्थिर असल्याचं समजले आहे.
