पोलिसांकडून मिळालेल्या माहितीनुसार, आरोपी तीन वर्षांपूर्वी त्याच्या आजी-आजोबांच्या घरी आला होता. या काळात तो आपल्या मामीच्या प्रेमात पडला होता. एकतर्फी प्रेमातून तो आपल्याच मामीशी अश्लील भाषेत बोलू लागला. त्यावरुन तिने त्याला अनेक वेळा शिवीगाळही केली होती. यानंतरही तो सुधारला नाही.
मिशन मालामाल : दिल्लीतील मायलेकीच्या हत्येचं गूढ उकललं, गायकासह चुलत भावाला अटक
त्याने लपूनछपून आपल्या मामीचा अश्लील व्हिडिओ शूट केला आणि तो व्हायरल करण्याची धमकी दिली. आरोपीला भाच्याला ब्लॅकमेल करून तिच्याशी शारीरिक संबंध ठेवायचे होते. मात्र आरोपीच्या त्रासाला कंटाळून महिलेने आपले जीवन संपवले.
महिलेच्या आत्महत्येची माहिती मिळताच तिच्या आई-वडिलांनी घाईघाईत सासर गाठले. महिलेच्या भावाने तिचा मोबाईल शोधला. बहिणीच्या मोबाईलचा पासवर्ड त्याला माहिती होता. फोन अनलॉक करताच भाचा ब्लॅकमेल करत असल्याचं तिने लिहिलं सापडलं. चॅटिंगमध्ये भाच्याने तिला अश्लील व्हिडिओ व्हायरल करण्याची धमकी दिल्याचंही लिहिलं होतं.
आईच्या डोळ्यांदेखत बापाला संपवलं, माऊलीचा आक्रोश, शेजारी येईपर्यंत २३ वर्षांचा लेक पसार
महिलेच्या माहेरच्या मंडळींनी पोलिसांत तक्रार दाखल केली आहे. आरोपीने महिलेचा आक्षेपार्ह व्हिडिओ बनवला असून तो व्हायरल करण्याची धमकी देऊन गेल्या एक वर्षापासून तिला ब्लॅकमेल करत होता, असे त्यांचे म्हणणे आहे. माहेरच्या माणसांच्या एफआयआरवरून पोलिसांनी आरोपी भाच्याला ताब्यात घेत चौकशी सुरु केली आहे.
आरोपी भाच्याचे म्हणणे आहे की, मामीचेही त्याच्यावर प्रेम होते आणि तिच्या फोनमुळेच तो आजोळी आला होता. मामी अनेकदा मला सोबत येण्यास सांगत असे, असा दावा त्याने केला आहे. महिलेचे शवविच्छेदन करून मृतदेह नातेवाईकांच्या ताब्यात देण्यात आला आहे.
