यासोबतच तुमच्या उर्वरित रकमेवर व्याजही मिळते. आम्ही एसबीआयच्या मल्टी ऑप्शन डिपॉझिट स्कीम बद्दल बोलत आहोत. स्टेट बँक ऑफ इंडियाच्या या प्लॅनबद्दल जाणून घ्या..
HDFC बँकेचं ग्राहकांना मोठं गिफ्ट, दोन महिन्यांसाठी वाढवली खास FD योजना, कुणाला फायदा?
SBI MODS म्हणजे काय?
एसबीआयच्या मल्टी ऑप्शन डिपॉझिट स्कीमवर (MODS) ठेवीदाराला इतर एफडीप्रमाणेच व्याज मिळते. कोणीही एसबीआयमध्ये १०,००० रुपयांच्या गुंतवणुकीसह एफडी खाते उघडू शकतो. यामध्ये १,००० रुपयांच्या पटीत पैसे जमा केले जाऊ शकतात आणि केवळ १००० रुपयांच्या पटीत पैसे काढता येतात. ही एफडी योजना ठेवीदाराच्या बचत किंवा चालू खात्याशी जोडलेली आहे. अशा परिस्थितीत ठेवीदारांना एटीएमद्वारे एफडीमधून आवश्यक रक्कम कधीही काढण्याची सुविधा मिळते.
बँकांच्या FD मध्येही रिस्क! वेळीच समजून घ्या नाहीतर गुंतवलेला पैसा ठरेल डोकेदुखी
या योजनेचे अनेक फायदे
एसबीआय MODS चा फायदा असा आहे की जर तुम्हाला अचानक पैशांची गरज भासली तर तुम्हाला एफडी तोडण्याचे आणि दंड भरण्याचे टेन्शन नसते. बचत किंवा चालू खात्याशी जोडलेले असल्याने, तुम्ही एटीएमद्वारे कधीही एफडीची रक्कम सहज काढू शकता. एफडीची संपूर्ण रक्कम काढणे आवश्यक नाही, आपण आवश्यक असलेली रक्कम काढू शकता आणि उर्वरित रक्कम जमा करून ठेवू शकता. तुम्हाला उर्वरित रकमेवर व्याज मिळत राहील. असे देखील नाही की पैसे काढण्याची सुविधा एका वेळेसाठी आहे. तुम्ही एक हजार रुपयाच्या पटीत अनेक वेळा पैसे काढू शकता.
डोळे झाकून नका करू एफडी करण्याची घाई, समजून घ्या याचा हिशोब नाहीतर फायद्याऐवजी होईल तोटा
कर्ज सुविधा देखील उपलब्ध
सामान्य एफडी प्रमाणे तुम्हाला एसबीआय MODS खात्यावर कर्जाची सुविधा देखील मिळते. याशिवाय तुम्ही हे खाते दुसऱ्या शाखेत हस्तांतरित करू शकता. लक्षात ठेवा की MOD खात्याशी जोडलेल्या बचत खात्यामध्ये किमान मासिक सरासरी शिल्लक राखणे आवश्यक आहे. तुम्हालाही एसबीआयच्या या सुविधेचा लाभ घ्यायचा असेल तर खाते ऑनलाइन उघडता येईल किंवा जवळच्या कोणत्याही शाखेत जाऊन उघडता येईल. SBI MOD खाते किमान एक वर्ष आणि कमाल पाच वर्षांसाठी उघडता येते. तसेच यामध्ये मिळणाऱ्या व्याजावर तुम्हाला कर भरावा लागेल.
