अंबरनाथ रेल्वे स्थानकाला लागूनच असलेल्या भगतसिंग नगर आणि सिद्धार्थ नगर या परिसरात अमली पदार्थांची विक्री करणारे गावगुंड मोठ्या प्रमाणात वावरत आहेत. या परिसरात उघडपणे अमली पदार्थांची विक्री होत असल्याने बदलापूर, वांगणी, उल्हासनगर आणि तर कल्याणमधूनही काही तरुण या अंमली पदार्थांची खरेदी करण्यासाठी येथे असतात.
झोपडपट्टी वस्ती असलेल्या भगतसिंग नगर परिसरातील अनेक तरुणदेखील या अमली पदार्थांच्या आहारी गेले आहेत. अमली पदार्थांच्या खरेदीसाठी चोरी करण्याचे प्रकार देखील गेल्या काही दिवसात वाढले होते. असे गंभीर प्रकार घडत असतानाही अंबरनाथ पोलीस ठाण्यामार्फत या अमली पदार्थ विक्री करणाऱ्यांवर कोणतीही कारवाई होताना दिसत नाही असा आरोप करण्यात येतोय.
रस्ता ओलांडताना रिक्षाची धडक, वृद्ध महिलेचा करुण अंत; थरारक अपघाताचा CCTV फुटेज
दरम्यान, भगतसिंग नगर परिसरात राहणारा अरमान सलीम शेख (२५) हा तरुण याच अमली पदार्थांच्या आहारी गेला होता. या परिसरात अमली पदार्थांची विक्री करणाऱ्या एका तरुणाकडे अरमान याने सुल्ली (सोल्युशन) हा नशेचा पदार्थ मागितला. मात्र, त्याला सोल्युशन न मिळाल्याने तो घरी आला आणि त्याने रागाच्या भरात आपल्या घरातच गळफास घेऊन आत्महत्या केली.
या घटनेनंतर अरमान याच्या आईने भगतसिंग नगर मध्ये अमली पदार्थांची विक्री करणाऱ्या व्यक्तीच्या विरोधात थेट आरोप केले असून त्याच्यावर कायदेशीर कारवाई करण्याची मागणी केली आहे. भगतसिंग नगर परिसरात मोठ्या प्रमाणात अंमली पदार्थांची विक्री होत असल्याने या सर्व विक्री करणाऱ्यांवर कठोर कारवाई करण्याची मागणी त्यांनी केली आहे. उघडपणे अमली पदार्थ मिळत असल्याने या परिसरातील लहान मुले आणि तरुण नशेच्या आहारी गेले आहेत.
आयव्हीएफ ट्रीटमेंट सुरु असणाऱ्या पत्नीच्या चारित्र्यावर संशय, अंबरनाथमध्ये नवऱ्याने बायकोला संपवलं
दरम्यान, याबाबत अंबरनाथ पोलीस ठाण्याचे वरिष्ठ पोलीस निरीक्षक राजेंद्र कोते यांना विचारले असता, या परिसरात पोलिसांमार्फत नेहमी कारवाई केली जाते. मात्र, त्या कारवाईदरम्यान कोणतेही अमली पदार्थ हाती लागत नसल्याची खंत व्यक्त केली.
