भागलपूरच्या विशेष मध्यवर्ती कारागृहात ६ जून रोजी ही हृदयद्रावक घटना घडली. भागलपूरच्या घोघा गोविंदपूर येथील गुड्डू यादवचा विवाह घोघा जानिडीह येथील पल्लवी यादवसोबत २ वर्षांपूर्वी झाला होता. दोघांनी प्रेमविवाह केला होता आणि पल्लवी ही ८ महिन्यांची गर्भवती होती.
Mumbai Crime: मुंबईत वसतिगृहातील खोलीत तरुणीचा विवस्त्र अवस्थेतील मृतदेह सापडला, सुरक्षारक्षकाची ट्रेनसमोर उडी
गुड्डू ३०७ प्रकरणी तुरुंगात
गुड्डू यादवचा विनोद यादवशी जमिनीवरुन वाद होता. या प्रकरणी गुड्डूवर कलम ३०७ नुसार गुन्हा दाखल करण्यात आला होता. त्यामुळे तो गेल्या आठ महिन्यांपासून भागलपूरच्या विशेष मध्यवर्ती कारागृहात शिक्षा भोगत आहे.
पल्लवीसह गर्भातील बाळाचाही मृत्यू
६ जूनला पल्लवी पती गुड्डूला भेटण्यासाठी तुरुंगात पोहोचली होती. गुड्डू तिच्या समोर येताच पल्लवी बेशुद्ध होऊन कोसळली. यानंतर तिला तात्काळ मायागंज रुग्णालयात आणण्यात आले. येथे तपासणी केल्यानंतर डॉक्टरांनी तिला मृत घोषित केले. पल्लवीच्या मृत्यूसोबतच तिच्या पोटातील बाळाचाही मृत्यू झाला आहे. पल्लवीला आठवा महिना सुरु होता. डॉक्टरांनी तिला २७ जून ही प्रसूतीची तारीखही दिली होती. पण, त्यापूर्वीच ही घटना घडल्याने कुटुंबाला मोठा धक्का बसला आहे.
दुसरीकडे, गुड्डूचा भाऊ विक्की यादवने वहिणीच्या मृत्यूला पोलिस प्रशासन जबाबदार असल्याचा आरोप केला आहे. पोलिसांनी दुसऱ्या पक्षाकडून पैसे घेऊन माझ्या भावाला तुरुंगात टाकलं, असा गंभीर आरोप त्याने केला आहे. जर, भाऊ तुरुंगात नसता तर ही परिस्थिती आली नसती. आमचं संपूर्ण कुटुंब उध्वस्त झालं आहे, असं त्याने सांगितलं.
पल्लवीच्या मृत्यूनंतर कुटुंबीय शवविच्छेदनासाठी सहमत नव्हते. त्यानंतर कायदेशीर प्रक्रिया पार पाडल्यानंतर मृतदेह कुटुंबीयांच्या ताब्यात देण्यात आला. पल्लवीचा पती अंत्यसंस्कारासाठी पोलिस संरक्षणात स्मशानभूमीत पोहोचला होता. त्यानंतर त्याने पत्नीच्या मृतदेहाला मुखाग्णी दिली.
Odisha Train Accident: कोरोमंडलचा एक डबा झुडपात जाऊन उलटला, तो तिथेच अडकून पडला, ४८ तासांनी अखेर…
