Crime: मिरारोडच्या फ्लॅटमध्ये पोलिसांनी पाऊल ठेवताच फक्त पाय दिसले, उर्वरित धड गायब, लिव्ह इनमधील महिलेची हत्या
पोलिसांनी चादर आणि निळ्या पिशव्यांमध्ये भरुन सरस्वती वैद्य यांच्या मृतदेहाचे तुकडे फॉरेन्सिक लॅबमध्ये नेले. यावेळी या इमारतीच्या खाली नागरिकांची एकच गर्दी झाली होती. कर्मचारी एक-एक करुन चादरी आणि पिशव्यांमधून मृतदेहाचे तुकडे आणून गाडीत ठेवत होते. यावेळी रस्त्याच्या दुतर्फा उभे असलेले नागरिक हे सगळे दृश्य डोळे विस्फारुन पाहत होते. हा सगळा प्रकार सुरु असताना कुत्रे भेसूर आवाजात भुंकत होते. हे एकूणच दृश्य अंगावर काटा आणणारे होते.
पोलिसांनी दिलेल्या माहितीनुसार, या इमारतीमध्ये राहणाऱ्या मनोज साने यांनी त्यांच्यासोबत राहणाऱ्या सरस्वती वैद्य यांची तीन-चार दिवसांपूर्वी हत्या केली. त्यानंतर मनोजने लाकुड कापण्याची मशीन विकत आणली आणि मृतदेहाचे तुकडे केले. यानंतर मनोजने मृतदेहाचे तुकडे कुकरमध्ये शिजवून प्लॅस्टिकच्या पिशव्यांमध्ये भरले. पोलिसांनी घटनास्थळावरुन सरस्वती वैद्य यांच्या मृतदेहाचे १२ ते १३ तुकडे ताब्यात घेतले आहेत. सध्या पोलिसांकडून याप्रकरणाचा पुढील तपास सुरु आहे.
