नेमकं काय आहे प्रकरण?
२४ वर्षीय मृत सचिन शिंदे हा शहरातील एमजीएम महाविद्यालय परिसरातील विस्तारित नाथनगर येथील रहिवासी आहे. २९ मे रोजी पैसे वसुली साठी परभणीला जातं आहे, असं सांगून तो घरा बाहेर पडला होता. मात्र तेव्हा पासून तो घरी परतलाच नाही. आठ दिवसांपासून मुलगा गायब असल्याने सचिनची आई बेबीताई परमेश्वर शिंदे यांनी ४ जून रोजी विमानतळ पोलीस ठाण्यात मिसिंगची तक्रार दाखल केली. त्यानंतर पोलिसांनी सोशल मीडियावर सचिनचा फोटो टाकून शोध मोहीम सुरु केली.
परळी ग्रामीण पोलिसांना ३१ मे रोजी रामनगर तांडा परिसरात जळालेल्या अवस्थेत एका अनोळखी तरुणाचा मृतदेह आढळला. मृत तरुणाच्या हातावर स्नेहा नाव गोंदलेलं होतं. परळी पोलिसांनी शोध पत्रिका काढली होती. ही बाब लक्षात आल्यानंतर नांदेडच्या विमानतळ पोलिसाचं एक पथक परळीला जाऊन शहानिशा केली. तेव्हा हे मृतदेह सचिन शिंदे या तरुणाच असल्याच निष्पन्न झालं आणि हत्येच कारण ही समोर आलं.
आईच्या अनैतिक संबंधाला मुलं कंटाळली, प्रियकराचा काटा काढला; स्विफ्ट कारसह मृतदेह पेटवला!
मित्रानेच केली सचिनची हत्या
सचिन शिंदे ज्या परिसरात राहत होता, त्याच परिसरात त्याचा मित्र दिलीप हरीसिंग पवार हा देखील राहत होता. दोघं जण व्याजाने दिलेले पैसे वसुली करण्याचे काम करत होते. दोघांमध्ये एक महिन्या पूर्वी वाद झाला होता. या वादातून सचिनने आरोपी दिलीप याला मारहाण केली होती. हाच राग मनात ठेवून दिलीप याने आपल्या एका मित्राच्या मदतीने सचिनचा निर्घृणपणे खून केला आणि पुरावा नष्ट करण्यासाठी डिझेल टाकून प्रेत जाळले. पोलिसांनी आरोपी दिलीप हरिसिंग पवार यास ताब्यात घेवून सखोल विचारपूस केली. खाकी वर्दीचा धाक दाखवताच आरोपीने गुन्हा केला. विशेष म्हणजे मयत आणि आरोपी या दोघा विरोधात पोलीस ठाण्यात गुन्हे देखील दाखल आहेत.
VIDEO: पोलिसांच्या हाती पिशव्या, त्यात बॉडीचे तुकडे, कुत्र्यांचा भेसूर आवाज, अंगावर काटा आणणारं दृश्य
अशी घडली घटना…
२९ मे रोजी सायंकाळी चार ते पाच वाजेच्या सुमारास आरोपी दिलीप पवार हा त्याच्या चार चाकी वाहनातून सचिन शिंदेला घेऊन गेला होता. परभणीमार्गे सोनपेठ या ठिकाणी दिलीपचे नातेवाईक सचिन जाधव (रा. सोनपेठ जि. परभणी) यांच्याकडे गेले. सचिन जाधव याला वाहनामध्ये सोबत घेवून तिघेही परळी मार्गे परळी येथील मौजे रामनगर तांडा जवळ पोहोचले. तिघांनी दारू पिली त्यानंतर सचिन शिंदे याचा सचिन जाधव याने रूमालाने पाठीमागून गळा आवळला आणि दिलीप पवारने खंजीराने सचिन शिंदेच्या पोटात वार केले. त्यानंतर दोघांनी सचिन शिंदेला गाडीतून खाली फेकून देवून त्याच्या अंगावर डिझेल टाकून त्याला पेटवून दिले. बुधवारी विमानतळ पोलिसांनी मुख्य आरोपी दिलीप हरिसिंग पवार याला राहत्या घरून अटक केले आणि पुढील कार्यवाहीसाठी आरोपीला पोलीस स्टेशन परळी ग्रामीण पोलिसांच्या स्वाधीन केले आहे.
RBI Policy: कर्जदारांना दिलासा कायम! नाही वाढणार तुमच्या कर्जाचा हप्ता, आरबीआयच्या रेपो दरात बदल नाही
There is clearly a bunch to identify about this. I assume you made certain good points in features also.