याबाबत अधिक माहिती अशी की, स्वप्नील गरड हे पुणे पोलीस दलात कार्यरत होते. त्यांना गिर्यारोहणाची आवड होती. यापूर्वी त्यांनी जगातील अनेक शिखरे सर केली होती. सुट्टी असल्याने ते जगातील सर्वोच्च शिखर असलेल्या माऊंट एव्हरेस्ट या शिखरावर गिर्यारोहणासाठी गेले होते. त्यांनी एव्हरेस्टची मोहीमही फत्ते केली. तिथे शिवाजी महाराजांच्या मूर्तीला नमन करत तिरंगादेखील फडकवला होता. याचे फोटो समोर आले होते. मात्र, शिखर उतरताना त्यांना अस्वस्थ वाटू लागल्याने काठमांडू येथील रुग्णालयात दाखल करण्यात आले होते.
अनेक अवघड चढाया, मात्र रविवारी अचानक तोल गेला अन् घात झाला; गिर्यारोहकाचा दरीत कोसळून मृत्यू
उपचारादरम्यान ते ब्रेन डेड असल्याची माहिती डॉक्टरांनी दिली होती. घटनेची माहिती मिळताच गरड यांना पुण्यात आणण्यासाठी पुणे पोलिसांचे पथक नेपाळला रवाना झाले होते. मात्र, उपचार सुरु असताना त्यांचा मृत्यू झाला. या घटनेमुळे पुणे पोलीस दलावर शोककळा पसरली आहे.
आयुष्यभर शांत झोप येणार नाही! १३००० फुटांवरचा तो फोटो अखेरचा ठरला; तिघांपैकी एकच जिवंत परतला
