आजकाल पैसा कमवण्यासाठी कोणती शक्कल लढवली जाईल हे सांगता येत नाही. अशीच एक घटना बीड जिल्ह्यातील केज तालुक्यात असलेलं चिंचपूर गावात घडली. येथील सतपाल ज्ञानबा घुगे या शेतकऱ्यांने पैसा कमवण्याच्या नादात आपल्या मिरचीच्या शेतात सोप्या पद्धतीने गांजा पेरला आणि या गांजाची सोप्या पद्धतीनेच विक्री करू लागला. यामध्ये पैसा अधिक मिळत असल्याने थोडं थोडं करत त्याने मिरचीच्या पूर्ण शेतात गांजाची लागवड केली. याचं गोष्टीची माहिती गोपनीय सूत्रांकडून सहाय्यक अधीक्षक पंकज कुमावत यांच्या टीमला मिळाली होती.
१२ वीत ९९ टक्के, एक कप चहा अन् तिचं डॉक्टर होण्याचं स्वप्न भंगलं, दिशाची हृदयद्रावक कहाणी
या टीमने सापळा रचत या शेताच्या ठिकाणी धाड मारली. तेव्हा या ठिकाणी सहा ते साडेसहा फुटाची नऊ झाडे गांजाची आढळून आली. यात तब्बल २४ किलो ८३० ग्रॅम इतका गांजा आढळून आला. याची किंमत १ लाख २४ हजार असल्याची माहिती आहे. हा गांजा पोलिसांनी जप्त केला आहे. मात्र, या शेतात हिरवीगार सहा ते साडेसहा फुटाची ही गांजाची झाडं आतापर्यंत कोणाच्या कशी लक्षात आली नाही, असा प्रश्न आहे. सात ते आठ झाड लावलेली असून अनेक छोटी मोठी रोपे देखील या शेतकऱ्यांनी इतरत्र लावली होती.
हा सगळा माल पोलिसांनी जप्त करत शेतकऱ्याला ताब्यात घेत गुन्हा दाखल केला आहे. सर्वत्र कठोर निर्बंध असताना देखील हा शेतकरी गांजाची शेती करत असल्याने इतरांवरही याचा चाप बसावा यासाठी या शेतकऱ्यावर कठोर कारवाई होणार असल्याची माहिती पोलिसांनी दिली आहे. मात्र, या घटनेनंतर बीड जिल्ह्यात खळबळ उडाली आहे.
