Crime Diary: खोलीत तरुणीची तर प्लॅटफॉर्मवर गार्डची बॉडी; मैत्रिणीने उलगडलं सिक्रेट, मुंबईतल्या हॉस्टेलची हॉरर स्टोरीहा वाद मिटवण्यासाठी रेल्वेस्टेशन जवळील नातेवाईकाच्या घरासमोर बैठक सुरू झाली होती. यावेळी भीमराव धोत्रे यांनी राहुल डुकरे आणि रमेश पिटकर यांना तुम्ही माझे वराह का घेऊन गेले? याचा जाब विचारला. मात्र, आम्ही तुमचे वराह नेले नाही असे दोघांनी सांगितल्याने भीमराव यांचा मुलगा रमेश धोत्रे याने तुम्हीच वराह घेऊन गेले असे सांगितल्याने तिघांचा राग अनावर झाला आणि बैठकीचे रूपांतर हाणामारीत झाले.
राजू डुकरे यांनी रमेशचा हात धरून पिरगाळला. यावेळेस राहुल डुकरे याच्या हातात चाकू असल्याने नातेवाईक बाजूला झाले. बघता बघता वाद वाढला आणि राहुलने रमेशच्या पाठीवर चाकूने वार केला तर लखन डुकरे याने तिथे पडलेली काठी उचलून मारहाण केल्याने रमेश हा रक्ताने न्हाऊन निघाला होता. अती रक्तस्त्राव झाल्याने रमेशचा जागीच मृत्यू झाला.
Viral News: मुलगी बॉयफ्रेंडसोबत पळाली म्हणून बापाने १३ वा घातला, व्हायरल शोक पत्रिकेचं सत्य वाचून हादराल
खून झाल्याची घटना वाऱ्यासारखी गावात पसरली. पोलिसांना या घटनेची माहिती देण्यात आली. पोलीस निरीक्षक शिवाजी बन्टेवाड यांनी पोलीस पथकासह घटनास्थळी धाव घेतली. खून झालेल्या रमेशचा मृतदेह सरकारी रुग्णालयात पाठवण्यात आला. घटनेची माहिती मिळताच उपविभागीय पोलीस अधिकारी मुकुंद आघाव यांनी घटनास्थळी भेट देऊन पोलिसांना योग्य त्या सूचना दिल्याने तणाव निवळला. सदर प्रकरणी आरोपी विरुद्ध खुनाचा गुन्हा दाखल करण्यात आला असून बदनापूर पोलीस सहाय्यक निरीक्षक साईनाथ रामोड हे करीत आहे.
