मुंबई : देशात अशा अनेक सरकारी बचत योजना आहेत ज्या तुम्हाला बचतीसोबत पैसे कमविण्याची संधी देतात. सुरक्षित आणि निश्चित परताव्यासाठी बहुतांश लोक बँक एफडीचा पर्याय निवडतात. परंतु तुम्ही चांगल्या परताव्यासाठी इतर पर्याय उपलब्ध आहेत, जे तुम्हाला बँक एफडीमधून चांगला परतावा देऊ शकतात. सर्वात चांगली गोष्ट म्हणजे या सरकारी योजना असल्याने त्यांच्या सुरक्षेची खात्री मिळते. तसेच कर सवलतही!पोस्ट ऑफिसच्या बचत आणि गुंतवणूक योजना
इंडिया पोस्ट हा एक सरकारी उपक्रम आहे. ज्या माध्यमातून गुंतवणूकदारांना विविध बचत आणि गुंतवणूक पर्याय उपलब्ध असतात. यामुळे गुंतवणुकदारांना चांगल्या परताव्यासह सुरक्षेची हमी मिळते. विशेष म्हणजे या योजनांमुळे कर सवलतही मिळते. यापैकी काही योजनांमध्ये ८% हून अधिक परतावा मिळतो. यामध्ये सार्वजनिक भविष्य निर्वाह निधी, सुकन्या समृद्धी योजना, राष्ट्रीय बचत प्रमाणपत्र, पोस्ट ऑफिस टाइम डिपॉझिट आणि ज्येष्ठ नागरिक बचत योजना यांचा समावेश आहे. या योजनांवरील व्याजदर दर तिमाहीत सुधारित केले जातात.

Financial Planning: पहिल्या नोकरीवर रूजू झाला आहात? कर वाचविण्यासाठी अशी करा गुंतवणूक, लक्षात ठेवा या गोष्टी
राष्ट्रीय बचत प्रमाणपत्र
NSC पोस्ट ऑफिस ही एक अल्पबचत योजना आहे, ज्यात तुम्हाला सध्या ७.७% व्याजाचा परतावा मिळत आहे. तुम्ही यामध्ये १०० रुपयांपासून गुंतवणूक सुरू करू शकता. कमाल गुंतवणुकीवर कोणतीही मर्यादा नाही. योजनेतील व्याजाची चक्रवाढ वार्षिक आधारावर केली जाते परंतु ती केवळ परिपक्वतेवरच दिली जाते. या योजनेचा मॅच्युरिटी कालावधी पाच वर्षांचा असून आयकर कायद्याच्या कलम ८०सी अंतर्गत या योजनेत १.५ लाखांपर्यंतच्या गुंतवणुकीला सूट देण्यात आली आहे.

ज्येष्ठ नागरिक बचत योजना
ही योजना ज्येष्ठ नागरिकांसाठी चालवली जात असल्याचे नावावरून स्पष्ट होते. सध्या या योजनेवर ८.२% व्याजासह कलम ८०सी अंतर्गत तुम्हाला १.५ लाख रुपयांपर्यंत कर सवलतीचा लाभ देखील मिळतो. त्यावर दर तीन महिन्यांनी सरकार तुम्हाला व्याज देते. साधारणपणे एप्रिल, जुलै, ऑक्टोबर आणि जानेवारीच्या पहिल्या दिवशी तुमच्या खात्यात व्याज जमा केले जाते.

गुंतवणूक करताय? मग हे पर्याय पाहाच!

सुकन्या समृद्धी योजना
मुलींचे भविष्य सुरक्षित करण्यासाठी सरकार ही योजना राबवते. या योजनेत हमी परतावा देखील उपलब्ध आहे. SSY मध्ये चक्रवाढ व्याजाचा लाभ ८% दराने उपलब्ध आहे. ज्याची वार्षिक गणना केली जाते. कोणताही भारतीय नागरिक त्याच्या १- वर्षांपेक्षा कमी वयाच्या मुलीसाठी या योजनेत गुंतवणूक करू शकतो. या योजनेत तुम्ही तुमच्या दोन मुलींसाठी खाते उघडू शकता. यामध्ये तुम्ही वार्षिक कमाल १.५० लाखांपर्यंत गुंतवणूक करू शकता.

महत्त्वाची बातमी! …तर तुमच्याकडील जुने दागिने विकता येणार नाही, मग घरातील दागिन्यांचं काय होणार?
पोस्ट ऑफिस टाइम डिपॉझिट स्कीम
पोस्ट ऑफिस टाइम डिपॉझिट योजनेत १ वर्ष ते ५ वर्षांपर्यंत गुंतवणूक करण्याचा पर्याय खुला आहे. या योजनेत हमी परतावा मिळवू शकता. ज्यावर वेगवेगळे व्याजदर आहेत. कमाल व्याज ७.५% असून व्याजाची गणना तिमाही आधारावर केली जाते. या योजनेत पाच वर्षांच्या गुंतवणुकीवर ८०सी अंतर्गत कर सूट देखील मिळते. यामध्ये जास्तीत जास्त गुंतवणुकीवरही मर्यादा नाही.

वेळ ठेव कालावधी व्याज दर
१ वर्षाच्या ठेवीवर ६.८%
२ वर्षांच्या ठेवीवर ६.९%
३ वर्षांच्या ठेवीवर ७.०%
५ वर्षांच्या ठेवीवर ७.५%

LEAVE A REPLY

Please enter your comment!
Please enter your name here