Kalyan Doctor Asked The Nurse For Sexual Relation : एका नर्सने डॉक्टरवर गंभीर आरोप केला आहे. या प्रकरणी पोलिसांनी गुन्हा दाखल करून तपास सुरू केला आहे. नर्सने पगारवाढ करण्याती मागणी केली होती. यावेळी डॉक्टराने शरीरसुखाची मागणी केल्याचा आरोप तिने केला आहे.

 

kalyan news
पगारवाढ केली तर तू मला काय देशील, नर्सकडे डॉक्टरने केली शरीरसुखाची मागणी, गुन्हा दाखल
कल्याण : कल्याण पश्चिमेतील भोईरवाडी येथील पल्स रुग्णालयाचे डॉक्टर देवेंद्र धोपटे (वय ४८) याच्या विरुद्ध त्यांच्याच रुग्णालयातील एका विवाहित नर्सने विनयभंग केल्याच्या आरोप करत पोलीस ठाण्यात जाऊन व्यथा मांडली. तिच्या तक्रारीवरून गुन्हा दाखल करण्यात आला आहे. या घटनेनंतर वैद्यकीय क्षेत्रात खळबळ उडाली आहे.वेतनवाढ करण्याची मागणी करणाऱ्या या महिला कर्मचाऱ्याकडे डॉ. धोपटे याने शरीरसुखाची मागणी केल्याची तक्रार खडकपाडा पोलीस ठाण्यात दाखल करण्यात आली आहे. एक ३४ वर्षांची विवाहित महिला डॉ. धोपटे याच्या बिर्ला महाविद्यालय रस्त्यावरील संदीप हॉटेलजवळच्या पल्स रुग्णालयात रुग्णांची देयके तयार करण्याची कामं करते, अशी माहिती पोलिसांनी दिली आहे.

मृतदेहाचे तुकडे करून ते शिजवून त्याची विल्हेवाट लावण्याचा प्रयत्न, मिरा रोडमधील धक्कादायक प्रकार
या रुग्णालयात काम करून अडीच वर्ष झाल्याने आपली वेतनवाढ करावी म्हणून ही महिला बुधवारी दुपारी डॉ. देवेंद्र धोपटे याच्या दालनात गेली. त्यावेळी डॉक्टर तिच्याशी अश्लील भाषेत बोलला. तुला मी यापूर्वी काय बोललो होतो त्याची आठवण कर. वेतनश्रेणी वाढवली तर तू मला काय देशील, अशी अश्लील भाषा केली. महिला कर्मचाऱ्याने त्याला अशा चावट बोलण्यापासून रोखण्याचा प्रयत्न केला. मात्र त्याने त्याकडे दुर्लक्ष केलं. शिवाय पीडित महिलेच्या शरीरावरून डॉक्टरने अश्लील भाष्य केलं.

मुख्यमंत्र्यांसमोरच मोठी दुर्घटना; श्रीकांत शिंदेंच्या भाषणादरम्यान एकाचा विजेच्या झटक्याने मृत्यू

वेतनवाढ करण्याची मागणी करताना डॉ. धोपटे याने स्त्री मनास लज्जा उत्पन्न होईल, असं भाष्य केल्याने संबंधित महिला कर्मचारी व्यथित झाली. तिने स्त्रीलंपट डॉक्टर विरोधात खडकपाडा पोलीस ठाण्यात धाव घेतली आणि तक्रार दाखल केली. या प्रकरणी विनयभंगाचा गुन्हा दाखल करण्यात आला आहे. पोलीस या प्रकरणी अधिक तपास करत आहेत.
Mumbai Crime : राज्याला हादरवून टाकणाऱ्या वसतिगृहातील तरुणीच्या हत्येप्रकरणी गंभीर बाब समोर

जवळच्या शहरातील बातम्या

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.

LEAVE A REPLY

Please enter your comment!
Please enter your name here