संध्या महेंद्र कोरे (वय ४८ वर्ष) असं मयत महिलेचं नाव आहे. या प्रकरणी पोलिसांनी महिलेचा २४ वर्षीय मुलगा करण कोरे याला ताब्यात घेतलं आहे. सख्ख्या मुलानेच जन्मदात्रीची हत्या केल्याने परिसरात मोठी खळबळ माजली आहे.
पोलिसांनी दिलेल्या माहितीनुसार, संध्या कोरे या मुलगा करण कोरेसोबत गोंदिया शहरातील श्रीनगर येथील चंद्रशेखर वॉर्डात भाड्याच्या खोलीत राहत होत्या. संध्या यांच्या पतीचे २० वर्षांपूर्वीच निधन झाले होते. त्यामुळे त्या आपल्या माहेरी येऊन भाड्याच्या खोलीत राहत होत्या.
कसारा घाटात कंटेनर-ओम्नीची धडक, पायी जाणाऱ्या दोन महिला साध्वींचा जागीच अंत
करण कोरे हा नागपूरला एमआरशीप करीत होता. तो अधून मधून गोंदियाला घरी यायचा. जानेवारी २०२३ पासून तो गोंदियातच आईसोबत राहत होता. मात्र आपल्या आईच्या चारित्र्यावर करण याला संशय होता. यावरून त्यांच्यात बरेचदा वाद होत होते.
पदोन्नतीचा आनंद ठरला औट घटकेचा, नागपूर-दिल्ली प्रवासात ट्रेनमधून पडून तरुणाचा मृत्यू
बुधवारी सकाळी दोघांमध्ये पुन्हा वाद झाला. तो इतका टोकाला गेला, की करणने आईला मारहाण करण्यास सुरुवात केली. आईने स्वतःचा जीव वाचवण्यासाठी करणचा चावाही घेतला. मात्र लेकाने चाकूने वार करत आईची हत्या केली.
पोट भरण्यासाठी संध्या खालसा धाब्यावर कॅशियर म्हणून काम करीत असे. जे करणला आवडत नसे. त्यातच संध्या यांना गुप्तधन शोधण्याचे वेड लागले होते, ज्यामुळे करणच्या मनात आणखी जास्त संशय निर्माण झाला. तो आपल्या आईच्या चारित्र्यावर संशय घेऊ लागला.
२२ व्या वर्षी ताफ्यात कोट्यवधींच्या गाड्या, युवा व्यापारी हॉटेलमध्ये मृतावस्थेत आढळला
हत्येनंतर करणने बनाव रचला. आपल्या घरात घुसून अज्ञात व्यक्तींनी हल्ला केल्याचं त्याने भासवलं. त्यासाठी त्याने स्वतःवरही वार केले. सुरूवातीला त्याने पोलिसांना उडवाउडवीची उत्तरं दिली. मात्र, पोलिसांनी कसून चौकशी करताच त्याचा बनाव उघड झाला. चारित्र्याच्या संशयातून आपणच आईची हत्या केल्याची कबुली त्याने पोलिसांना दिली. पोलिसांनी गुन्हा दाखल करत करणला ताब्यात घेतलं.
