N Chandrasekaran: शेतकऱ्याचा मुलगा रतन टाटांचा खास, जिथे केली पहिली नोकरी आज तिथेच बनले बॉसकोण आहे माया टाटा?
नोएल टाटा यांच्या तीन मुलांपैकी माया ही सर्वात धाकटी आहे. माया टाटा समूहासोबत विविध पदांवर काम करत असून काही अहवालांनुसार मायाने तिचे शिक्षण ब्रिटनच्या बायर्स बिझनेस स्कूल आणि युनिव्हर्सिटी ऑफ वॉर्विकमधून केले आहे. मायाची आई आलू मिस्त्री, टाटा समूहाचे माजी अध्यक्ष सायरस मिस्त्री यांची बहीण आणि दिवंगत अब्जाधीश पालोनजी मिस्त्री यांची मुलगी आहे. विशेष म्हणजे, माया टाटा यांची मामी आणि सायरस मिस्त्री यांची पत्नी रोहिका मिस्त्री यांची एकूण संपत्ती ५६,००० कोटी रुपये असून त्या भारतातील दुसऱ्या क्रमांकाची श्रीमंत महिला आहेत.
माया टाटाने आपल्या कारकिर्दीची सुरुवात टाटा अपॉर्च्युनिटीज फंडातून केली, जो टाटा समूहाची उपकंपनी टाटा कॅपिटलचा बंद होईपर्यंत सर्वात जुना खाजगी इक्विटी फंड होता. त्यानंतर ती टाटा डिजिटलकडे वल्ली, ज्या कंपनीसाठी एन चंद्रशेखरन यांच्या नेतृत्वाखालील समूहाने १००० कोटी रुपयांची तरतूद केली आहे. मायाने या ग्रुपसोबत पुढे काम करावे यासाठी तिचे वडील नोएल टाटा उत्सुक आहेत. टाटा डिजिटलमध्ये तिच्या काळात उपकंपनीने टाटा न्यू ॲप लाँच केले.
कोण आहेत आशिष देवरा? २१व्या वर्षी व्यवसाय सुरू केला आता ९० कोटींत घेतला टाटांशी संबंधित कंपनीचा ताबा
माया टाटाकडे कोणत्या क्षेत्राचा अनुमभाव आहे?
माया यापूर्वी फंडात पोर्टफोलिओ व्यवस्थापन आणि गुंतवणूकदार संबंध हाताळत असे, इकॉनॉमिक टाइम्सने अहवाल दिला. सध्या, माया ही टाटा मेडिकल सेंटर ट्रस्टच्या सहा बोर्ड सदस्यांपैकी एक आहे, जी २०११ मध्ये रतन टाटा यांनी उद्घाटन केलेल्या कोलकाता-स्थित कर्करोग रुग्णालयाचे व्यवस्थापन करते.
