अमरावती: विदर्भात मागील काही दिवसांपासून उन्हाने उच्चांक गाठला आहे. त्याचे विपरीत परिणाम आता दिसू लागले आहेत. दरम्यान जिल्ह्यातील अचलपूर तालुक्यात अंतर्गत येणाऱ्या शेतशिवारात एक शेतकरी जात असताना अचानक त्याच्या दुचाकीचा स्फोट झाला. हा स्फोट एवढा भयंकर होता की या घटनेत शेतकऱ्याचा घटनास्थळीच होरपळून मृत्यू झाल्याची घटना समोर आली आहे. ज्ञानेश्वरउर्फ नंदू मधुकरराव गणगणे (४२) रा. माळीपुरा, अचलपूर असे शेतकऱ्याचे नाव आहे.

शेतात सध्या पेरणीची लगबग सुरू आहे. यातच मशागत ही अंतिम टप्प्यात आली होती. मशागतीदरम्यान अचानक ट्रॅक्टर ना दुरुस्त झाल्याने शेतकऱ्याचे काम रखडले होते. दरम्यान या शेतकऱ्यांनी आपली मोपेड घेऊन नादुरुस्त ट्रॅक्टर दुरुस्त करण्यासाठी पाने टूल किट घेऊन जात होता. दरम्यान सिद्धिविनायक मंगल कार्यालयामागे सुमारे २०० मिटर अंतरावर गाडीचा अचानक स्फोट झाला. रस्ता निर्जन असल्याने या ठिकाणी सुरुवातीला कोणीही मदतीला जाऊ शकले नाही. दरम्यान या घटनेत शेतकऱ्याचा दुर्दैवी मृत्यू झाला आहे.
…म्हणून सरस्वती वैद्यला प्राण गमवावे लागले, नीलम गोऱ्हेंनी मांडला महत्त्वाचा मुद्दा

मिळालेल्या माहितीनुसार, शेतातल्या मशागती दरम्यान बंद पडलेल्या ट्रॅक्टरला सुरू करण्यासाठी ज्ञानेश्वर गणगणे ही स्कुटी पेप्ट या मोपेडने जात होता. त्यानंतर ते सामान घेऊन आले. या दरम्यान या मोपेडचा अचानक स्फोट झाला. भर उन्हात शेतात कोणीही नसताना हा अपघात घडला. त्यामुळे त्यांना मदत मिळण्यास उशीर झाला. काही नागरिकांना त्यांची ही अवस्था दिसतात अनेकांनी धाव घेतली. तसेच मिळेल त्या वस्तू झाडपाल्याचा उपयोग करून त्यांनी आग नियंत्रणात मिळवली.

‘लालपरी’त महिला क्रांती; माधवी साळवे यांना नाशिकमधील पहिल्या महिला एसटी चालक होण्याचा मान

दरम्यान या घटनेची तात्काळ माहिती परतवाडा पोलिसांना देण्यात आली. यावेळी परतवाडा पोलीस व रुग्णवाहिका काही क्षणात घटनास्थळी दाखल झाली. मात्र तोपर्यंत बराच उशीर होऊन गेला होता. मोपेडचा एवढा भयंकर पद्धतीने स्फोट झाला की तिच्या लोखंडाशिवाय कुठलाही अवयव उरला नाही. या घटनेत ज्ञानेश्वर गणगणे यांचा घटनास्थळी अंत झाला.

LEAVE A REPLY

Please enter your comment!
Please enter your name here