हवामान खात्याने दिलेल्या माहितीनुसार, कर्नाटक, महाराष्ट्र, गोवा आणि केरळच्या किनारी भागात जोरदार वारे आणि पावसाची शक्यता असून यामुळे काही भागात कडक हवामान असण्याची शक्यता आहे. तर IMD ने मच्छिमारांसाठी इशारा दिला आहे. अशात राजधानी दिल्लीत मान्सूनचे आगमन होणार असले तरी उष्णतेपासून दिलासा मिळणार नाही. येत्या काही दिवसांत दिल्लीतील तापमान वाढणार असल्याचे भारतीय हवामानशास्त्र विभागाने (IMD) म्हटले आहे.
Cyclone Biporjoy : राज्यावर ३ दिवस अस्मानी संकट, चक्रीवादळामुळे मुंबईसह या भागांना धोक्याचा इशारा
महाराष्ट्रात अलर्ट जारी…
हवामान खात्याकडून आपत्ती व्यवस्थापन पथकांना सतर्कतेचा इशारा देण्यात आला आहे. तर राज्यातल्या मुंबई, पालघर, कोकण किनारपट्टी भागामध्ये या चक्रीवादळाचा परिणाम होणार असून गुजरातलाही या चक्रीवादळाचा फटका बसणार असल्याचा अंदाज आहे. हवामान खात्याने दिलेल्या माहितीनुसार, महाराष्ट्राच्या किनारपट्टी भागामध्ये यावेळी मोठ्या लाटा उसळतील तर मुंबई, पालघर, रायगड, रत्नागिरी सिंधुदूर्ग या किनारपट्टीवरती वादळी वाऱ्यासह लाटा उसळण्याचा अंदाज हवामान खात्याने वर्तवला आहे.
IMD नुसार, केरळमध्ये मान्सून दाखल झाल्यानंतर नैऋत्य मान्सून आता कर्नाटक आणि तामिळनाडूमध्ये दाखल होण्याच्या तयारीत आहे. तर दुसरीकडे, ईशान्य बंगालच्या उपसागरावर कमी दाबाचं क्षेत्र तयार झाल्यामुळे, ईशान्येकडील राज्यांमध्येही येत्या दोन दिवसांत मान्सूनचा पाऊस पडेल. IMD नुसार, उत्तर पश्चिम भारतात जूनच्या चौथ्या आठवड्यात आणि जुलैच्या पहिल्या आठवड्यात चांगल्या पावसाची परिस्थिती निर्माण होत आहे.
दक्षिण भारतात पाऊस पडेल
पुढील तीन दिवसांत केरळ आणि किनारपट्टीवर कर्नाटकात मुसळधार पाऊस पडेल, तर लक्षद्वीपमध्ये पुढील दोन दिवसांत अशीच स्थिती राहील. एकंदरीत, पुढील आठवड्यात प्रदेशात गडगडाट, विजांचा कडकडाट आणि सोसाट्याचा वारा येण्याची शक्यता आहे. दुसरीकडे, रविवार ते मंगळवार उप-हिमालयीन पश्चिम बंगाल आणि सिक्कीममध्ये जोरदार पाऊस पडेल. अंदमान आणि निकोबार बेटांवर शनिवार ते रविवार भरपूर पाऊस पडेल.
आयएमडीने म्हटले आहे की, येत्या आठवड्यात उर्वरित भारतामध्ये कोणतेही तीव्र हवामान बदल होणार नाहीत. भारताच्या मध्यवर्ती भागात येत्या दोन दिवसांत कमाल तापमानात २-३ अंश सेल्सिअसची घसरण होईल. शनिवार ते मंगळवार या कालावधीत बिहारच्या काही भागात उष्णतेचा प्रकोप जाणवेल. गंगेच्या पश्चिम बंगाल प्रदेशातही या दिवसांत अशीच परिस्थिती जाणवेल.
Monsoon Prediction 2023 : यंदाचा मान्सून हसवणार की रडवणार, वाचा IMD चा हवामान अंदाज
१०, ११ आणि १२ जून रोजी जास्तीत जास्त प्रभाव…
अहमदाबादमधील हवामान विभागाच्या विज्ञान केंद्राच्या संचालक मनोरमा मोहंते यांनी दिलेल्या माहितीनुसार, ‘या चक्रीवादळामुळे १०, ११ आणि १२ जून रोजी वाऱ्याचा वेग ताशी ४५ ते ५५ नॉट्स वेगाने वाहू शकतो. वाऱ्याचा वेगही ६५ नॉट्सपर्यंत जाऊ शकतो. चक्रीवादळामुळे दक्षिण गुजरात आणि सौराष्ट्रसह किनारपट्टी भागात हलका पाऊस पडू शकतो. याबाबत सर्व बंदरांना कळविण्यात आले आहे.’
