रशिया: विरोधी पक्षनेत्यावर चहातून विष प्रयोग?; प्रकृती चिंताजनक

मॉस्को: रशियाचे विरोधी पक्षनेते अलेक्सी नवलनी यांच्यावर विषप्रयोग झाला असल्याच्या वृत्ताने खळबळ उडाली आहे. विमान प्रवासात चहातून त्यांना विषबाधा झाली आहे. रशियाचे राष्ट्रपती व्लादिमीर पुतीन यांचे विरोधक असलेले नवलनी सध्या कोमामध्ये आहे. त्यांना व्हेंटिलेटरवर ठेवण्यात आले आहे.

नवलीन यांची प्रवक्ता कीरा यारम्यश यांनी ही माहिती दिली आहे. गुरुवारी नवलनी एका कामानिमित्त सायबेरियात गेले होते. तेथून ते मॉस्कोमध्ये परतत होते. नवलीन यांच्या प्रकृतीत बिघाड झाल्यानंतर तातडीने विमानाचे लँडिग करण्यात आले. कीरा यांनी दिलेल्या माहितीनुसार, नवलनी यांना घातक विष देण्यात आले आहे. नवलीन यांना चहातून झाला असल्याचा संशय आहे. नवलीन हे सकाळच्या वेळी फक्त चहाच घेत असल्याचे कीरा यांनी म्हटले. विमान प्रवासात नवलनी यांना उलटीचा त्रास होऊ लागला होता. त्यांना अतिशय अस्वस्थ वाटत होते. त्यांनी सातत्याने मला बोलण्यास सांगितले जेणेकरून आवाजावर फोकस करता येईल. त्यानंतर ते प्रसाधनगृहात गेले आणि बेशुद्ध झाले असल्याची माहिती कीरा यांनी दिली. नवलीन बेशुद्ध असून त्यांची मृत्यूशी झुंज सुरू आहे.

वाचा:

या विषप्रयोगाचा संबंध यावर्षी झालेल्या निवडणुकीशी असल्याचे म्हटले जाते. नवलनी हे पुतीन यांचे कट्टर विरोधक म्हणून ओळखले जातात. व्यावसायाने वकील असणाऱ्या नवलनी यांनी अनेकदा भ्रष्टाचाराविरोधात आंदोलन छेडले होते. अनेकदा पुतीन यांच्याविरोधात मोर्चेही काढले आहेत. त्यामुळे त्यांना काही वर्षे तुरुंगातही काढावी लागली आहेत.

वाचा:

दरम्यान, पुतीन यांनी रशियात घटना दुरुस्ती करून आपल्या राष्ट्रपतीपदाच्या कार्यकाळाची मुदत वाढवून घेतली. यासाठी त्यांनी जनमत चाचणीही घेतली. या जनमत चाचणीवर विरोधकांनी अनेक शंका उपस्थित केल्या होत्या.