नवी दिल्ली : महागाई भत्ता म्हणजे DA वाढीची केंद्रीय कर्मचारी मोठ्या आतुरतेने वाट पाहत असतात. यावेळी महागाई भत्ता किती टक्क्यांनी वाढणार, याबाबत ते महिनोन्महिने अगोदर शोधू लागतात. वाढीव महागाई भत्ता पगारात आला की तो कुठे वापरायचा हे कर्मचारी आधीच ठरवतात. शेवटी पगार वाढण्याची वाट प्रत्येक कर्मचारी पाहत असतो. केंद्रीय कर्मचाऱ्यांच्या महागाई भत्त्यात वर्षातून दोनदा वाढ केली जाते. एक जानेवारीपासून आणि दुसरा जुलैपासून.

जानेवारी २०२३ पासून DA वाढीची घोषणा केंद्र सरकारने मार्च २०२३ मध्ये जाहीर केली होती. सरकारने DA मध्ये ४ टक्के वाढ केली, ज्यानंतर एकूण महागाई भत्ता ४२ टक्क्यांवर पोहोचला. यानंतर आता जुलैपासून DA मध्ये मोठी वाढ होणार असून जाणून घेऊया जुलैपासून महागाई भत्ता वाढल्यास तुमचा पगार किती वाढेल.

तुमच्या खिशातील नोटा खोट्या आहेत? RBI चा थक्क करणारा अहवाल; अशा ओळखू शकता बनावट नोटा
वाढीव DA जुलैपासून लागू होईल
आता नवीन महागाई भत्ता जुलै २०२३ पासून लागू होणार असून सरकार ऑक्टोबरमध्ये याची घोषणा करू शकते. मात्र, यावेळी किती वाढ होणार हे जाणून घेण्याची उत्सुकता सरकारी कर्मचाऱ्यांना लागून आहे. महागाईवर आधारित DA मध्ये वाढ केली जाते. औद्योगिक कामगारांच्या महागाईच्या आकडेवारीच्या आधारे DA वाढीची गणना केली जाते. कामगार मंत्रालयाचे कामगार ब्युरो अखिल भारतीय ग्राहक किंमत निर्देशांक (औद्योगिक कामगार) डेटा जारी करते.

केंद्रीय कर्मचाऱ्यांनो, तारीख लक्षात ठेवा! DA बाबत मोठी अपडेट, महागाई भत्ता या दिवशी जाहीर होईल
महागाई भत्त्यात किती वाढ होणार?
केंद्रीय कर्मचाऱ्यांच्या महागाई भत्त्यात यावेळीही वाढ होण्याची शक्यता आहे. महागाईचे आकडे लक्षात घेता डीएमध्ये ४ टक्के वाढ अपेक्षित असून डिसेंबरपासून किंमत निर्देशांकाचे प्रमाण दरमहा सरासरी ०.६७ अंकांनी वाढत आहे. आत्तापर्यंत एप्रिल महिन्याच्या महागाईचे आकडे समोर आले असून AICPI-IW निर्देशांक १३४.२ अंकांवर होता. अशा स्थितीत जर आपण त्याचा सापेक्ष DA स्कोअर पाहिला तर तो ४५.०६ वर पोहोचला असून येत्या दोन महिन्यांत किंमत निर्देशांकातील सरासरी वाढ अशीच राहिल्यास DA स्कोअर ४६.४० वर पोहोचेल. यावरून DA मध्ये ४% वाढ होऊ शकते, हे स्पष्ट आहे.

केंद्रीय कर्मचारी-पेन्शनधारकांना दुहेरी गिफ्ट; DA बाबत मोठी अपडेट, इतक्या महिन्यांची थकबाकीही मिळेल
महागाई भत्ता ४६ टक्के होणार
महागाईच्या आधारावर केलेल्या गणनेनुसार केंद्रीय कर्मचाऱ्यांचा महागाई भत्ता जुलैपासून ४६% होईल. सध्या महागाई भत्ता ४२% आहे. डीए वाढ येत्या १ जुलैपासून लागू होईल, मात्र त्याची घोषणा होण्यास विलंब होईल. सरकार सप्टेंबरच्या अखेरीस किंवा ऑक्टोबरच्या सुरुवातीला DA वाढीची घोषणा करू शकते. लक्षात घ्या की उशिरा जाहीर केलेल्या कर्मचाऱ्यांना थकबाकी दिली जाते.

कर्मचाऱ्यांचा पगार किती वाढणार?
जर एखाद्या कर्मचाऱ्याचा मासिक पगार १८ हजार रुपये असेल तर ४२% DA नुसार महागाई भत्ता ७५६० रुपये असेल. दुसरीकडे, जर आपण ४६% नुसार DA गणनेवर नजर टाकली तर महागाई भत्ता ८२८० रुपये होईल, म्हणजे दर महिन्याला पगार ७२० रुपये तर वार्षिक ९९,३६० रुपयांनी वाढेल.

LEAVE A REPLY

Please enter your comment!
Please enter your name here