घरात घुसून वारंवार अत्याचार, नंतर जीवे मारण्याची धमकी, तरुणीने आरडाओरड केला अन्…शारदा आडे ह्या डिसेंबर २०२२ मध्ये लोहगावच्या सरपंच म्हणून जनतेतून निवडून आल्या होत्या. निवडून आल्यापासूनच गावाच्या विकासासाठी त्यांनी नवनवीन उपक्रम राबवायला सुरूवात केली होती. नुकतेच त्यांनी गावातील अतिक्रमण काढण्यासाठी नियोजन सुरू केले होते. या संदर्भात आज ग्रामसभेचे आयोजन करण्यात आले होते. या ग्रामसभेत अतिक्रमणाचा मुद्दा उपस्थित झाल्यानंतर गावातील काही तरुणांनी गोधळ घालायला सुरवात केली. त्यांना रोखण्यासाठी सरपंच, उपसरपंच प्रयत्न करत होते.
त्यानंतर बाचाबाचीचे भांडणात रूपांतर झाले. वादातून चार तरुणांनी महिला सरपंचावर थेट कुऱ्हाडीनेच हल्ला चढवला. कुऱ्हाडीच्या हल्ल्यात त्यांच्या डोक्यावर गंभीर जखम झाली असून डाव्या हाताचे बोट निकामी झाले आहे. त्यांच्यावर सध्या अकोला सामान्य रुग्णालयात उपचार सुरू आहेत. थेट महिला सरपंचावर जीवघेणा हल्ला करण्यात आल्याने परिसरात एकच खळबळ उडाली आहे.पद वाटपावरून राडा, शिंदे गटाच्या दोन महिला नेत्या पोलीस स्टेशनमध्येच भिडल्या
या जीवघेण्या हल्ल्यातील आरोपी अरविंद नामदेव राठोड, नामदेव शिवराम राठोड, सुनील नरेंद्र राठोड आणि सहादेव जगराम राठोड या चौघांवर कारंजा ग्रामीण पोलीस स्टेशनमध्ये गुन्हा दाखल करण्यात आला आहे. यातील तीन आरोपींना अटक करण्यात आली आहे, तर एका आरोपीचा कारंजा ग्रामीण पोलीस शोध घेत आहेत. ग्रामसभेत अतिक्रमण संदर्भातील मुद्दा चर्चेला येणार असल्याची पूर्व कल्पना असल्याने आरोपी तयारीनिशी ग्रामसभेत गेल्याची माहिती समोर आहे. या हल्ल्याला निवडणूक झालेल्या पराभवाची किनार असल्याचे ग्रामस्थांनी सांगितले आहे. कारण निवडणूक झाल्यापासून हे युवक सातत्याने ह्या सरपंचानी सुचविलेल्या कामाला विरोध करत होते.
