सातारा : पुणे – बंगळुरू आशियाई महामार्गावर खंडाळा तालुक्यातील खंबाटकी घाटात अपघातग्रस्त वळणावर पुढे चाललेल्या दुचाकीस्वाराला पाठीमागून भरधाव वेगात येणाऱ्या कंटेनरने चिरडले. या अपघातात दुचाकीस्वार जागीच ठार झाला. संतोष रघुनाथ शिळीमकर (वय ४३, रा. मंजाई असनी, ता. वेल्हे, जि. पुणे, सध्या रा. शिरवळ) असं मृत झालेल्या दुचाकीस्वाराचं नाव आहे. हा अपघात सायंकाळी पाच वाजेच्या सुमारास झाला.
पोलिसांनी दिलेल्या माहितीनुसार, आशियाई महामार्गावर खंडाळा तालुक्यातील खंबाटकी घाटात साताराहून पुण्याकडे जाणाऱ्या दुचाकी क्रमांक एमएच १२ एचवाय ६०८४ गाडीला पाठीमागून भरधाव वेगात येणाऱ्या कंटेनरने क्रमांक एचआर ५५ एएफ ९५२८ दुचाकीस्वारास जोराची धडक दिली. या धडकेत कंटेनर दुचाकीस्वाराच्या अंगावरून गेल्याने शरीर छिन्नविछिन्न झाले होते. रस्ता रक्ताने माखला होता. हा अपघात सायंकाळी पाच वाजेच्या सुमारास झाला. यावेळी सातारहून येणारे वाहने थांबवण्यात आली होती. त्यामुळे घाटात ट्रॅफिक जाम झाले होते.
पोलिसांनी दिलेल्या माहितीनुसार, आशियाई महामार्गावर खंडाळा तालुक्यातील खंबाटकी घाटात साताराहून पुण्याकडे जाणाऱ्या दुचाकी क्रमांक एमएच १२ एचवाय ६०८४ गाडीला पाठीमागून भरधाव वेगात येणाऱ्या कंटेनरने क्रमांक एचआर ५५ एएफ ९५२८ दुचाकीस्वारास जोराची धडक दिली. या धडकेत कंटेनर दुचाकीस्वाराच्या अंगावरून गेल्याने शरीर छिन्नविछिन्न झाले होते. रस्ता रक्ताने माखला होता. हा अपघात सायंकाळी पाच वाजेच्या सुमारास झाला. यावेळी सातारहून येणारे वाहने थांबवण्यात आली होती. त्यामुळे घाटात ट्रॅफिक जाम झाले होते.
मंदिरात प्रवेशासाठी आग्रही, पोलीस-वारकऱ्यांमध्ये झटापट, लाठ्याही उगारल्या, कोल्हे-भुजबळ संतापले
या घटनेतील कंटेनरचालक ललीतकुमार शेरसिंग (रा. तिहारजागीर ता. नबाबगंज बरेली (उत्तर प्रदेश ) याला पोलिसांनी ताब्यात घेतलं आहे. यावेळी घटनास्थळी पोलीस निरीक्षक महेश इंगळे, वाहतूक पोलीस सणस यांच्यासह सहकाऱ्यांनी धाव घेऊन तात्काळ वाहतूक सुरळीत केली. पोलिसांनी कंटेनर वाहन ताब्यात घेतलं आहे. मृत संतोष शिळीमकर हे सातारा येथील व्यंकिंज प्रा. लि. इंडिया या कंपनीत मॅनेजर म्हणून सातारा येथे नोकरीस होते. ते कामावरून साताराहून शिरवळकडे येताना ही दुर्दैवी घटना घडली. या घटनेची नोंद खंडाळा तालुका पोलीस स्टेशनमध्ये झाली आहे.
