सुपरहिरो बनण्यासाठी घेतला धक्कादायक निर्णय
या मुलाला मार्वलचा सुपरहिरो एक्स-मेन बनण्याची इच्छा होती आणि तो त्याला फॉलो करत होता. आता या अज्ञानामुळे त्याला एक वेदनादायक अल्सरचा आजार झाला आहे, जो आता कधीही बरा होऊ शकत नाही. इतकंच नाही तर स्पायडर मॅन होण्यासाठी त्याने कोळीला स्वत:ला चावायलाही लावलं. नॅशनल सेंटर फॉर बायोटेक्नॉलॉजी इन्फॉर्मेशनच्या अहवालात त्याने जाणूनबुजून त्याच्या शरीरात पारा टोचल्यामुळे त्याला झालेल्या दुखापतींचे तपशीलवार वर्णन केले आहे. अहवालात असे म्हटले आहे की, हा मुलगा भारतातील एका ट्रॉमा सेंटरमध्ये गेला होता. जिथे डॉक्टरांना मुलाच्या डाव्या मनगटावर अनेक बरे न होणारे अल्सर आढळले. दोन महिन्यांपासून तो स्वतःला इंजेक्शन देत होता.
कसा रचला हत्येचा कट? मृतदेहाची विल्हेवाट लावायची इतकी क्रूर पद्धत कशी सुचली? साऱ्या प्रश्नांची उत्तरं मिळाली
पारा शरीरात इन्जेक्ट करण्यामागे काही मानसिक समस्या असल्याचा संशय डॉक्टरांना होता. त्यावर मुलाने आपण जाणूनबुजून पारा टोचून घेतल्याचं सांगितलं आहे. हा मुलगा एक्स-मेनच्या मर्करी या पात्रापासून प्रेरित होता. डॉक्टरांनी सांगितले की त्याला कोणतीही मानसिक समस्या नाही आणि त्याचा IQ सामान्य आहे. मुलावर शस्त्रक्रिया करण्यात आली आहे आणि शस्त्रक्रियेनंतर तो बरा झाला आहे, असं अहवालात सांगण्यात आलं.
या पारामुळे विषबाधा झाल्याच्या लक्षणांसाठी रुग्णाचे निरीक्षण केले गेले. परंतु, त्यानंतरच्या चाचण्यांमध्ये तो ठीक असल्याचं आढळून आलं. मुलांवर लक्ष ठेवलं पाहिजे आणि मुलांनी घरी असे करण्याचा प्रयत्न करू नये याची काळजी पालकांनी घेतली पाहिजे, असंही या अहवालात सांगण्यात आलं आहे.
