नवी दिल्ली : सध्या देशभरात सोने आणि चांदीच्या दरात बरेच चढउतार पाहायला मिळत आहेत, त्यामुळे जर तुम्ही सोने खरेदी करण्याचा विचार करत असाल, तर उशीर करू नका, कारण सोन्या आणि चांदीची किंमत उच्च पातळीच्या दरापेक्षा कमी झाली आहे. मंगळवारच्या अपेक्षित यूएस ग्राहक किंमत निर्देशांक (CPI) डेटाची प्रतीक्षा करत असलेले गुंतवणूकदार आणि यूएस फेडरल रिझर्व्हची १३ जून ते १४ जून २०२३ या कालावधीत होणाऱ्या बैठकीमुळे आज सोन्याचा भाव आणखी स्वस्त झाला आहे.

बिग बींच्या मैत्रिणीशी लग्न, ग्लॅमरपासून दूर, स्वत:चं वेगळी ओळख, अमिताभ यांचा भाऊ काय करतो?
सोन्या-चांदीचा आजचा भाव तपासा
आठवड्याच्या पहिल्या व्यवहार दिवशी आज भारतीय वायदे बाजारात सोन्या-चांदीच्या किमतीत घसरण झाली आहे. मल्टी कमोडिटी एक्सचेंज (एमसीएक्स) वर सोन्याचा भाव ११५ रुपयांनी घसरून ५९,७०७ रुपयांवर आला असून चांदीच्या दरातही घसरणीसह व्यवहार होत आहे. एमसीएक्सवर चांदी ४४० रुपयांनी स्वस्त झाली असून प्रति किलो भाव ७३,३५६ रुपयांवर आला आहे. जागतिक घडामोडींमुळे देशांतर्गत बाजारात सोन्या-चांदीच्या किमतींवर दबाव येत आहे.

विक्रमी पातळीवर सोने आणि चांदी मोठ्या प्रमाणात स्वस्त झाल्यामुळे अनेक तज्ञांनी मौल्यवान धातू खरेदीचा सल्ला दिला आहे. दरम्यान, मुंबईत २२ कॅरेट सोन्याचा १० ग्रॅम ५५ हजार ४०० रुपये आणि २४ कॅरेट सोन्याचा दर ६० हजार ४५० रुपये आहे. तर, एक किलो चांदीची किंमत ७४ हजार ५०० रुपये खर्च करावा लागेल.

या कारणांमुळे जगातली सर्वाधिक सोने खरेदी भारतात होते

जागतिक बाजारात सोन्या-चांदीवर दबाव
दरम्यान, आज आंतरराष्ट्रीय बाजारातील सोन्या-चांदीच्या किमतींवर दबाव दिसत आहे. कोमॅक्सवर सोन्याची किंमत सुमारे अर्धा टक्क्यांनी घसरून प्रति औंस $१९७० वर व्यापार करत आहे. तर चांदीचा भावही सुमारे १% घसरणीसह २४.१७ डॉलर प्रति औंसवर व्यवहार करत आहे.

Raghuram Rajan: राजन यांनी बँकिंग व्यवस्था उद्ध्वस्त केली, काँग्रेसने भ्रष्टाचाराचे दुकान चालवले; BJPचा हल्ला
याशिवाय यापूर्वी गेल्या आठवड्यात, सलग दुसऱ्या आठवड्यात जागतिक सोन्यात मजबूती नोंदवली गेली. कॉमेक्सवर चांदी १ महिन्याच्या उच्चांकावर पोहोचली असून एका आठवड्यात किंमत ३% वाढली. डॉलर निर्देशांकातील घसरणीमुळे त्याला पाठिंबा मिळाला, जो २.५ आठवड्यांच्या नीचांकी पातळीवर घसरला आहे.

LEAVE A REPLY

Please enter your comment!
Please enter your name here