चुकीचं इंजेक्शन दिल्यानं बाळाचा मृत्यू, पालकांचा आरोप; आई-बापाचा रुग्णालयात हंबरडामिळालेल्या माहितीनुसार, ही घटना आठ वर्षांपूर्वी कल्याण-मलंगगड रोडला असलेल्या आडीवली-ढोकळी परिसरात घडली होती. आडीवली-ढोकळी परिसरात साडेपंधरा वर्षीय मुलगी आपल्या माता-पित्यासमवेत राहत होती. घराच्या तळमजल्यावर असलेल्या खोलीतील बाथरुमध्ये नैसर्गिक विधीनंतर बाहेर येऊन ती खोलीचा दरवाजा बंद करून कुलुप लावत होती. इतक्यात घराच्या समोर बांधकाम सुरू असलेल्या इमारतीच्या तळमजल्यावरील खोलीमध्ये राहणारे आणि पीओपीचे काम करणारे अजमत आणि खुर्शीद या दोघांनी या मुलीचे तोंड दाबून तिला जबरदस्तीने फरफटत नेले. त्यानंतर तिला इमारतीच्या तळमजल्यावरील खोलीमध्ये डांबले.
खोलीचा दरवाजा बंद करून या मुलीवर दोघांनी आळीपीळीने बलात्कार केला. इथून गप्प निघून जा, घरी गेल्यानंतर कुणाला काही सांगायचे नाही. जर घडलेल्या प्रकाराबाबत आई-वडीलांना किंवा इतर कुणाला काही सांगितल्यास तुला आम्ही सोडणार नाही, अशी त्या नराधमांनी मुलीला धमकी दिली. त्रास असाह्य झाल्याने या मुलीने घडलेला प्रकार घरच्यांना सांगितला. मुलीवर बेतलेल्या प्रसंगामुळे तिचे आई-वडील कमालीचे अस्वस्थ झाले. त्यांनी मुलीला घेऊन मानपाडा पोलिस ठाणे गाठले. पोलिसांनी मुलीच्या जबानीवरून दोन्ही नराधमांच्या विरोधात भादंवि कलम ३७६ (ड), ३६६ (अ), ३४२, ३६७, ५०४, ३४ सह पोक्सो कलम ४, ५, ६ अन्वये गुन्हा दाखल केला.दहा वर्षांपूर्वीच्या भांडणाचा राग, चायनिज हॉटेलमध्ये दबा धरून बसला, समोर येताच…
गुन्हा दाखल होताच तत्कालीन पोलिस उपनिरीक्षक निलेश पाटील आणि त्यांच्या सहकाऱ्यांनी तपासचक्रांना वेग देऊन दोन्ही आरोपींच्या मुसक्या आवळल्या. या प्रकरणाचे तपास अधिकारी निलेश पाटील यांनी कल्याण न्यायालयात आरोपपत्र सादर केले. सहाय्यक सरकारी वकील म्हणून अश्विनी भामरे-पाटील व जयश्री बठेजा यांनी कामकाज पाहिले. वपोनि शेखर बागडे, गुन्हे प्रकटीकरण शाखेचे बाळासाहेब पवार, सुरेश मदने, अतुल लंबे या ४ अभ्यासू मार्गदर्शक अधिकाऱ्यांचे या खटल्यात सहकार्य लाभले. तर पैरवी अधिकारी म्हणून हवालदार अविनाश गोगरकर यांनी या बहुचर्चित संपूर्ण खटल्यासाठी मोलाची कामगिरी बजावली.
अजमत शेख आणि साथीदार खुर्शीद शेख हे दोघेही सद्या कारागृहात आहेत. या नराधमांनी अल्पवयीन मुलीवर केलेला अत्याचार पाहता त्यांच्याविरोधात अत्यंत गंभीर कलमांचा गुन्हा नोंदविण्यात आला आहे. या संपूर्ण खटल्याचा निकाल देताना कल्याण जिल्हा व सत्र न्यायालयाचे न्यायाधीश ए. डी. हर्णे यांनी दोघांना दोषी ठरवून भादंवि कलम ३७६ (ड) करिता २० वर्षे सश्रम कारावासाची शिक्षा व प्रत्येकी २० हजार रूपये द्रव्य दंड, हा दंड न भरल्यास १ वर्षे महिना सश्रम कारावास, भादंवि कलम ३६६ (अ) करिता ७ वर्षे सश्रम कारावासाची शिक्षा व प्रत्येकी ५ हजार रूपये द्रव्य दंड, हा दंड न भरल्यास ३ महिने सश्रम कारावास भादंवि कलम ३६७ करिता ७ वर्षे सश्रम कारावास शिक्षा व प्रत्येकी ५ हजार रूपये द्रव्य दंड ठोठावला.
तसेच हा दंड न भरल्यास ३ महिने सश्रम कारावास, भादंवि. कलम ३४२ करिता ३ महिने साध्या कारावासाची शिक्षा व प्रत्येकी ५०० रूपये द्रव्य दंड, हा दंड न भरल्यास १५ दिवस साध्या कारावासाची शिक्षा, ही संपूर्ण शिक्षा आरोपींनी एकत्रितपणे भोगावयाची आहे. विशेष म्हणजे लैंगिक गुन्ह्यांपासून बालकांचे संरक्षण कायद्याच्या कलम ४२ नुसार, तसेच लैंगिक गुन्ह्यांपासून मुलांचे संरक्षण कायद्याच्या कलम ४ आणि ६ अंतर्गत शिक्षेस पात्र असलेल्या गुन्ह्यासाठी कोणतीही वेगळी शिक्षा दिली जात नाही.
