बिपरजॉय चक्रीवादळ
IMD ने आज गुरुवारी दुपारी २.२५ वाजता चक्रीवादळ बिपरजॉयचे स्थान शेअर केले. हवामान खात्याच्या म्हणण्यानुसार, अत्यंत तीव्र असलेले हे चक्रीवादळ मध्यरात्रीनंतर १.३० वाजता जाखौ बंदराच्या (गुजरात) १२० किमी WSW आणि देवभूमी द्वारकाच्या १७० किमी WNW वर उपस्थित होते. ते आज रात्रीपर्यंत जखाऊ बंदराजवळून (गुजरात) जाण्याची शक्यता आहे. आयएमडीने सौराष्ट्र आणि कच्छ किनारपट्टीसाठी चक्रीवादळाचा रेड अलर्ट जारी केला आहे.
बिपरजॉय चक्रीवादळ कधी आणि कोठे धडकणार?
एमडीच्या म्हणण्यानुसार, बिपरजॉय चक्रीवादळाची लँडफॉल प्रक्रिया आज संध्याकाळी गुजरातमधील जखाऊ बंदराजवळ सुरू होईल. लँडफॉल प्रक्रिया मध्यरात्रीपर्यंत सुरू राहण्याची शक्यता आहे.
जखाऊ बंदर: येथे लँडफॉल होईल, नकाशात पाहा स्थान
बिपरजॉय चक्रीवादळ
बिपरजॉय चक्रीवादळाचा प्रभाव कुठे दिसेल?
बिपरजॉय चक्रीवादळ
हवामान खात्याच्या म्हणण्यानुसार, सौराष्ट्र आणि कच्छच्या किनारी भागाला सर्वाधिक फटका बसेल. या भागात वाऱ्याचा वेग ताशी १५० किलोमीटरपर्यंत पोहोचू शकतो. काही ठिकाणी मुसळधार पाऊस पडण्याची शक्यता आहे. संपूर्ण गुजरातमध्ये जोरदार पाऊस आणि वादळी वाऱ्याचा इशारा देण्यात आला आहे. या चक्रीवादळाचा प्रभाव शेजारील राजस्थान आणि मध्य प्रदेशपर्यंत राहील. दिल्ली-एनसीआरपासून पंजाब-हरियाणा, केरळ आणि बिहारपर्यंत वादळामुळे हवामान बदलेल. किनार्‍यालगतच्या भागात याचा अधिक परिणाम होईल.
चक्रीवादळ बिपरजॉय: हे वादळ किती विध्वंस आणेल
एनडीआरएफचे आयजी एनएस बुंदेला यांच्या मते, ‘कमकुवत इमारती, खांब, झाडे इत्यादींना चक्रीवादळाचा फटका बसेल. आम्ही सध्या नुकसानीचा अंदाज लावू शकत नाही. एअरलिफ्टसाठी आम्ही १५ टीम वेगवेगळ्या ठिकाणी ठेवल्या आहेत.’
