मध्य रेल्वे प्रशासनाने प्रवाशांच्या गर्दीवर नियंत्रण मिळवण्यासाठी मुंबई विभागातील सीएसएमटी, एलटीटी, दादर, ठाणे, कल्याण, पनवेल येथे सायंकाळपासून ते रात्रीपर्यंत फलाट तिकीट विक्री बंद ठेवण्याचा निर्णय शुक्रवारी घेतला. हे निर्बंध १५ जुलैपर्यंत लागू राहणार आहेत.
रेल्वेतून उतरताच रिक्षा? प्लॅटफॉर्म क्रमांक एकवर नवी ‘सुविधा’, रेल्वे स्टेशनची सुरक्षा धोक्यात
मध्य रेल्वेने प्लॅटफॉर्म तिकीट विक्री बंद का केली?
एक्स्प्रेसमधून जाणाऱ्या प्रवाशांना स्थानकावर सोडण्यासाठी येणाऱ्या नातेवाईकांसाठी फलाट तिकीट काढावे लागते. तसेच फलाटावर काही काळ थांबण्यासाठी अनेक जण फलाट तिकीट घेतात. त्यामुळे स्थानकात प्रवाशांची गर्दी वाढते. परिणामी, इतर प्रवाशांना इच्छित फलाटावर, रेल्वेगाडीत पोहचण्यास विलंब होतो. प्रवाशांच्या सुविधेसाठी सीएसएमटी आणि दादर येथे सायंकाळी ६ ते रात्री १२.३०, ठाणे येथे सायंकाळी ७ ते रात्री १.३०, कल्याण येथे सायंकाळी ६ ते रात्री १.३०, एलटीटी येथे सायंकाळी ६.३० ते रात्री १ आणि पनवेल येथे रात्री ११ ते रात्री २ वाजेपर्यंत फलाट तिकीट विक्री बंद ठेवण्यात येणार आहे. या निर्बंधामधून ज्येष्ठ नागरिक, दिव्यांग व्यक्ती, लहान मुलांसोबत येणाऱ्या महिला प्रवाशांना सूट देण्यात आली आहे, अशी माहिती मध्य रेल्वेच्या एका अधिकाऱ्याने दिली.
मुंबईत होतय तीन मजली मेट्रो स्थानक, प्लॅटफॉर्म तब्बल ३५ मीटर उंचीवर, कुठे आहे ‘हे’ स्थानक
यापूर्वी रेल्वे प्रशासनाने स्थानकातील गर्दी कमी करण्यासाठी प्लॅटफॉर्म तिकीटाचे दर वाढवले होते. तिकीट दर १० रुपयांवरुन ३० ते ३५ रुपये केले होते. या निर्णयाला प्रवाशांनी विरोध केला होता. त्यानंतर रेल्वे प्रशासनाने हा निर्णय मागे घेतला होता.
