पॅरिस: करोना महासाथीच्या आजारामुळे अनेकजण दिलेल्या निर्देशांचे पालन करत आहेत. हात स्वच्छ ठेवणे, सोशल डिस्टेंसिंगचे पालन जगभरातील देश करत आहेत. तर, दुसरीकडे एकमेकांना अभिवादन करण्यासाठी काहीजण वेगवेगळा पर्याय अंमलात आणत आहेत. फ्रान्सचे राष्ट्रपती इमॅन्यूअल मॅक्रो आणि जर्मनीच्या चान्सलर अँजेला मर्केल यांनी भारतीय पद्धतीने नमस्ते करत एकमेकांना अभिवादन केले. सध्या हा व्हिडिओ सोशल मीडियावर चर्चेत आहेत.

जर्मनीच्या चान्सलर अँजेला मर्केल या सध्या फ्रान्सच्या दौऱ्यावर आहेत. फ्रान्सचे फ्रान्सचे राष्ट्रपती इमॅन्यूअल मॅक्रो यांनी मर्केल यांचे स्वागत भारतीय पद्धतीने नमस्ते करून केले. त्यानंतर मर्केल यांनीदेखील मॅक्रो आणि त्यांच्या पत्नीला नमस्ते केले. फ्रान्सच्या राष्ट्रपतींनी हा व्हिडिओ त्यांच्या ट्विटर अकाउंटवर ट्विट केला आहे. या व्हिडिओला हजारोजणांनी लाइक व रिट्विट केले आहे. तर, हा व्हिडिओ जवळपास चार लाख वेळेस पाहिला गेला आहे.

वाचा:

वाचा:

वाचा:

याआधी इस्रायलचे पंतप्रधान बेंजामिन नेतन्याहू यांनीदेखील देशातील नागरिकांना हात न मिळवता भारतीय पद्धतीने नमस्कार करण्याचे आवाहन केले होते. मागील काही दिवसांपूर्वी लंडनच्या मार्लबोरो हाउसमध्येही आयोजित एका कार्यक्रमात ब्रिटनचे प्रिन्स चार्ल्स यांनीदेखील उपस्थित पाहुण्यांना हात जोडून नमस्कार करत अभिवादन केले होते. त्यांना पाहून इतरांनी देखील भारतीय पद्धतीने अभिवादन केले. नेदरलँड्सचे राजे किंग विल्यम यांनीदेखील आपल्या जकार्ता दौऱ्यात उपस्थित नेत्यांना भारतीय पद्धतीने नमस्कार केला होता.

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

5 COMMENTS

  1. I always spent my half an hour to read this web site’s articles or reviews daily along with a mug of coffee.

LEAVE A REPLY

Please enter your comment!
Please enter your name here