अफगाणिस्तानचा फिरकीपटू रशिद खानने आज एकाच सामन्यात एक कमाल केल्याचे पाहायला मिळाले आहे. एकाच सामन्यात रशिदने तब्बल तीन विश्वविक्रमांना गवसणी घातल्याचे पाहायला मिळाले आहे. रशिदने नेकमे कोणते तीन विश्वविक्रम केले, पाहूया…

सध्याच्या घडीला रशिद हा सर्वात जास्त ट्वेन्टी-२० क्रिकेट खेळताना पाहायला मिळत आहे. सध्याच्या घडीला रशिद हा कॅरेबियन क्रिकेट लीगमध्ये खेळत आहे. ट्वेन्टी-२० क्रिकेटमध्ये ३०० विकेट्स मिळवण्याचा पराक्रम रशिदने यावेळी केलेला आहे. यापूर्वी एकाही गोलंदाजाला असा विक्रम करता आलेला नाही. त्यामुळे हा पहिला विश्वविक्रम रशिदच्या नावावर झालेला आहे. त्याचबरोबर रशिदने अन्य दोन विश्वविक्रमही केलेले आहेत.

अफगाणिस्तानचा ट्वेन्टी-२० सामने फार कमी होतात. पण रशिदने क्रिकेट विश्वात चांगले नाव कमावले आहे. त्यामुळे रशिदला जगभरातील क्रिकेट लीगमधून आमंत्रण येत असते आणि रशिद तिथे जाऊन आपली कामगिरी करत असतो. रशिदने आतापर्यंत खेळलेल्या २१३ ट्वेन्टी-२० सामन्यांमध्ये हे ३०० बळी मिळवलेले आहेत. त्यामुळे इतक्या कमी ट्वेन्टी-२० सामन्यांमध्ये ३०० बळी मिळवण्याचा विश्वविक्रमही रशिदच्या नावावर झाला आहे.

रशिद हा एक युवा क्रिकेटपटू आहे. त्याचे वय २१ वर्षे आणि ३३५ दिवस आहे. एवढ्या कमी वयात रशिदने ३०० बळी मिळवण्याचा पराक्रम केलेला आहे. आतापर्यंत रशिदने चार वर्षे आणि ३३८ दिवस क्रिकेट खेळलेला आहे. एवढ्या कमी काळात ट्वेन्टी-२० क्रिकेटमध्ये ३०० बळी मिळवण्याचा विश्वविक्रमही आता रशिदच्याच नावावर नोंदवला गेला आहे.

रशिद सध्या कॅरेबियन क्रिकेट लीग खेळत आहे. त्यानंतर रशिद आयपीएल खेळण्यासाठी युएईला रवाना होणार आहे. आयपीएलमध्ये सनरायझर्स हैदराबाद या संघाकडून तो खेळत असून या संघाचा तो एक अविभाज्य भाग बनलेला आहे. आतापर्यंत रशिदने आयपीएलमध्ये चमकदार कामगिरी केलेली आहे. आयपीएमध्ये सर्वाोत्तम फिरकीपटूचा मानही त्याने मिळवला आहे. रशिद सध्या भन्नाट फॉर्मात आहे. त्यामुळे आयपीएलमध्ये खेळताना रशिदची कामगिरी नेमकी कशी होते, याकडे सर्व चाहत्यांचे लक्ष असेल.

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

LEAVE A REPLY

Please enter your comment!
Please enter your name here