थरारक… धोनीने जेव्हा १२५० फुटांवरून मारली होती उडी, पाहा खास व्हिडीओ

भारताचा माजी कर्णधार महेंद्रसिंग धोनीने एकदा तब्बल १२५० फुटांवरून उडी घेतली असल्याचे आता पाहायला मिळत आहे. कारण धोनीने निवृत्ती घेतल्यानंतर त्याच्या या थरारक उडीचा खास व्हिडीओ व्हायरल झाल्याचे पाहायला मिळते आहे.

धोनी गेल्या वर्षी विश्वचषकात आपला अखेरचा आंतरराष्ट्रीय सामना खेळला होता. त्यानंतर धोनी हा भारतीय आर्मीबरोबर जम्मू आणि काश्मीरमध्ये सरावाला गेला होता. त्याचबरोबर भारतीय वायूदलाने धोनीला लेफ्टनंट कर्नल ही मानद पदवीही दिली आहे. धोनी हा वायू दलातील पॅरा रेजिमेंट दलाच्या सरावात सहभागी होत असतो. अशाच एका सरावात धोनी सहभागी झाला होता.

या सरावात धोनीला तब्बल १२५० फुटांवरून उडी मारायची होती. हा एक सरावाचा भाग होता आणि धोनीने त्यासाठी प्रशिक्षणही घेतले होते. वायुसेनेच्या AN32 या विमानातून धोनीने १२५० फुटांवरून उडी मारल्याचे पाहिले गेले. धोनीने या सरावातही चांगली कामगिरी केल्याचे पाहायला मिळाले होते. त्यामुळे धोनी आता निवृत्तीनंतर भारतीय सेनादलात किंवा वायूलदात आपली सेवा देण्यासाठी जाऊ शकतो, असे म्हटले जात आहे.

धोनीने १५ ऑगस्टला आपली निवृत्ती जाहीर केली. पण निवृत्तीनंतरही धोनीच्या फलंदाजीतील जोश अजूनही कायम असल्याचेच दिसत आहे. कारण चेन्नईमध्ये धोनीने सराव करताना षटकारांची बरसात केल्याचे पाहायला मिळत आहे. धोनी चेन्नई सुपर किंग्सच्या सराव शिबीरासाठी गेल्या आठवड्यात दाखल झाला होता. त्यानंतर धोनीची करोना चाचणी घेण्यात आली आणि ती निगेटीव्ह आली. त्यानंतर धोनीने सरावाला सुरुवात केली आणि त्याचा फलंदाजीचा सराव सर्वच जण पाहत बसले. कारण धोनीने या सरावामध्ये षटकारांचीच बरसात केल्याचे पाहायला मिळाले.

धोनीने पाच दिवसांपूर्वी १५ ऑगस्ट रोजी आंतरराष्ट्रीय क्रिकेटमधून निवृत्ती घेतली होती. सोशल मीडियावर एक व्हिडिओ पोस्टद्वारे धोनीने निवृत्ती घेतली आता भारतीय संघाकडून तो खेळताना दिसणार नाही. तसा ही धोनी गेल्या वर्षभरापासून क्रिकेटपासून दूर आहे. त्यामुळेच चाहत्यांना त्याला पाहण्याची उत्सुकता लागली आहे.अशातच चेन्नई सुपर किंग्ज संघाने सोशल मीडियावर एक फोटो शेअर केला आहे. या धोनीसह आयपीएलमधील सर्व खेळाडू युएईला जात असल्याचे दिसत आहे. निवृत्ती जाहीर केल्यानंतर धोनीचा हा पहिला फोटो सोशल मीडियावर आला आहे. नेहमी प्रमाणे धोनी या फोटोत नव्या लुकमध्ये दिसत आहे. धोनीचा लुक कायम सोशल मीडियावर चर्चेत असतो. यावेळी धोनीने क्लीन शेव केली आहे.