विप्रोची शेअर बायबॅकची ऑफर, गुंतवणूकदारांना सुवर्णसंधी; डिटेल्स वाचून फायदा उचला!यापूर्वी १ डिसेंबर २०२२ रोजी सेन्सेक्सने ६३,५८३.०७ अंकांची पातळी गाठून सर्वकालीन उच्चांकाचा विक्रम नोंदवला होता. तर आज निर्देशांकाने नवा विक्रम प्रस्थापित केला आहे. दरम्यान, व्यवहार सत्राच्या सुरुवातीला बीएसईचा ३० शेअर्सचा निर्देशांक सेन्सेक्सने ६३,३६७.४६ अंकांच्या पातळीवर सुरुवात केली. याशिवाय NSE चा ५० शेअर्सचा निर्देशांक निफ्टी तेजीसह १८,८४९.४० अंकांवर खुला झाला. सकाळच्या व्यवहार सत्रात मीडिया शेअर्समध्ये २.२६% जबरदस्त तेजीसह व्यवहार होताना दिसून येत आहे तर वित्तीय शेअर्समध्ये १.०५% जबरदस्त वाढ नोंदवली जात आहे. दुसरीकडे, बँक निफ्टी देखील जबरदस्त वाढीसह ४३,८४८ अंकांच्या पातळीवर व्यवहार करत आहे.
भारतीय बाजारातील सर्वात मोठा घोटाळा; एका स्कॅमने बदलला होता दलाल स्ट्रीटचा चेहरामोहरा
बीएसई सेन्सेक्सची सुरुवात
सेन्सेक्सचे मूळ वर्ष १९७८-७९ ठेवण्यात आले असले तरी व्यवहार १९८६ मध्ये सुरू झाला. यावेळी निर्देशांकाचा मूळ स्कोअर १०० होता. जुलै १९९० मध्ये सेन्सेक्स १००० अंकांच्या पातळीवर पोहोचला तर १९९२ मध्ये निर्देशांकाने ४००० अंकांचा टप्पा ओलांडला. यानंतर पाच हजार अंकांचा टप्पा पार करण्यासाठी निर्देशांकाला १९९९ पर्यंत वाट पाहावी लागली. १९९९ मध्ये सेन्सेक्स ५१५१० अंकांचा उच्चांक गाठला तर २००० मध्येही मार्केटचा वेग कायम राहिला आणि ६००० अंकांचा टप्पा पार केला. पण, २००१ आणि २००२ वर्ष निर्देशांकाची खूपच वाईट ठरले. २००१ मध्ये सेन्सेक्स ४४६२ अंकांपर्यंत घसरला आणि २००२ मध्ये ३७५८ अंकांच्या पातळीवर आला. २००३ मध्ये निर्देशांक ५९२० आणि २००४ मध्ये ६६१७ अंकांच्या पातळीवर पोहोचला.
अंबानींचा शेअर फुसका बार! गुंतवणूकदारांच्या तोंडचं पाणी पळवलं, २५५ रुपयांवरून…
आशियातील सर्वात मोठे स्टॉक एक्सचेंज
२०१४ मध्ये सेन्सेक्स उसळी घेत हँग सेंग निर्देशांकापेक्षा जास्त अंकांवर बंद झाला आणि सेन्सेक्स आशियातील सर्वात मौल्यवान स्टॉक एक्सचेंज बनला. याच वर्षी सेन्सेक्सने २१,००० अंकांवरून २८ हजार ८२२ अंकांचा उच्चांक गाठला. जानेवारी २०१५ च्या सुरुवातीला सेन्सेक्स २९,२७८ वर बंद झाला. तर रेपो दरातील कपातीमुळे सेन्सेक्सने यंदा ३०,००० अंकांचा टप्पा ओलांडला. २०१६ मध्ये निर्देशांक २९,००७ आणि २०१७ मध्ये ३४,१३७ अंकांवर झेपावला.
