साई बाबा संस्थानाबाबत आता चुकीच्या अफवा पसरवल्या जात आहे. याप्रकरणी आता साई संस्थान कडक पाऊले उचलणार आहे. याप्रकरणी शिर्डी पोलिसांकडे तक्रार दाखल केली आहे. लवकरच याची कारवाई सुरू होईल.
हायलाइट्स:
- साई संस्थानाबाबत चुकीची माहिती प्रसारित
- साई बाबा संस्थानाने उचलली कठोर पाऊले
- शिर्डी पोलीस करणार कारवाई
Shirdi: साई संस्थानच्या प्रसादालयात भाविकांना आमरसाची मेजवानी, साईभक्ताने केले अडीच टन आंबे दान, पाहा व्हिडिओत्यानंतर उलट-सुलट चर्चा सुरू झाल्या होत्या. परंतु आता साई बाबा संस्थानने चुकीची माहिती पसरवणाऱ्या लोकांविरोधात कडक पाऊले उचलली आहेत. साईबाबा संस्थानची बदनामी करणाऱ्यांविरोधात शिर्डी पोलीस ठाण्यात गुन्हा दाखल केला आहे. काही दिवसांपूर्वी सोशल मीडिया प्लॅटफॉर्मवर काही लोक साईबाबा संस्थानला साईबाबांच्या झोळीत मिळालेल्या देणगीची काही रक्कम एका विशिष्ट समुदायाला देत आहेत, असे चुकीचे व्हिडिओ व्हायरल झाले होते. काही लोकांनी अशी चुकीची माहिती प्रसारित केली होती. त्यामुळे साई भक्तांच्या भावना दुखावल्या गेल्या आहेत.
तसेच काही लोक साईबाबा आणि साईबाबा संस्थानची बदनामी करण्याचा कट रचत आहेत. मात्र अशा लोकांवर कारवाई करण्याची मागणी साईबाबा संस्थानने पोलिसांना केली आहे. त्याचप्रमाणे तेलंगणा राज्यात काही व्हाट्सअप ग्रुपवर अशाप्रकारे चुकीचे संदेश प्रसारित झाल्याने तेथे साई भक्तांनी साई संस्थांना लेखी तक्रार केली आहे. त्यानुसार साईबाबा संस्थानचे पीआरओ तुषार शेळके यांनी शिर्डी पोलीस ठाण्यात धनंजय नावाच्या व्हॉट्सअॅप नंबरसह साईबाबा संस्थानबद्दल चुकीची माहिती पसरवणाऱ्या इतर तीन व्हॉट्सअॅप नंबरच्या विरोधात तक्रार दाखल केली आहे. याबाबत शिर्डी पोलीस ठाण्यात भादवी कलम २९५, १५३ (ए) ५०० अंतर्गत गुन्हा दाखल करण्यात आला आहे. याप्रकरणी शिर्डी पोलीस अधिक तपास करत आहेत.
जवळच्या शहरातील बातम्या
Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
