मुंबई : ‘खादी’ या ब्रँड नावाचा वापर करून विविध ई-कॉमर्स मंचावरुन सौंदर्यवर्धक (कॉस्मेटिक) आणि सौंदर्य प्रसाधनांची विक्री करणाऱ्या ‘खादी इसेन्शिअल’ आणि ‘खादी ग्लोबल’ या दोन कंपन्यांना केंद्र सरकारने दणका दिला आहे. आणि ग्रामोद्योग आयोगाने (केव्हीआयसी), या अनधिकृतपणे खादी हे नाव वापरल्या प्रकरणी कायदेशीर नोटीस बजावली आहे. दोन्ही कंपन्या ग्राहकांची दिशाभूल करत असल्यामुळे ही कारवाई केली असल्याचे ‘केव्हीआयसी’ने म्हटले आहे.

ऑगस्टच्या पहिल्या आठवड्यात ‘खादी इसेन्शिअल’ आणि ‘खादी ग्लोबल’ या दोन्ही कंपन्यांना बजावलेल्या नोटिसांमध्ये ‘केव्हीआयसी’ने त्यांना अनुक्रमे www.khadiessentials.com आणि www.khadiglobalstore.com ही डोमेन नावे रद्द करण्याचे आदेश दिले आहेत. त्याशिवाय ‘खादी’ या ब्रँड नावाने करत असलेली उत्पादनांची विक्री तत्काळ थांबविण्यास सांगितले आहे. ट्विटर, फेसबुक, इंस्टाग्राम आणि पिनटेरेस्ट अशा वेगवेगळ्या व्यासपीठावरील या दोन्ही कंपन्यांची सोशल मीडिया हँडल बंद करण्याचे निर्देश देण्यात आले आहेत.

खादी या ब्रँड नावाचा वापर करून विक्री करत असलेल्या उत्पादनांची विक्री त्वरित थांबवावी आणि अनुक्रमे खादी ईसेन्शियल्स आणि खादी ग्लोबल या ब्रँड नाव असलेल्या उत्पादनाचे पॅकेजिंग, लेबल, प्रसिद्धी साहित्य, साइनबोर्ड आणि अन्य कोणतीही व्यावसायिक सामुग्री त्वरित नष्ट करावी, असे या दोन्ही कंपन्यांना सांगण्यात आले आहे. सात दिवसांत सूचनांचे पालन न झाल्यास कंपन्यांविरूद्ध कायदेशीर कारवाई केली जाईल, असे ‘केव्हीआयसी’ने म्हटले आहे.

केव्हीआयसीने २७ जुलै रोजी चंदीगड येथील एका व्यक्तीविरूद्ध खादी फेस मास्क म्हणून अनधिकृतपणे फेस मास्क विक्री केल्याबद्दल आणि पंतप्रधानांचे छायाचित्र पाकिटावर वापरल्याबद्दल एफआयआर दाखल केली. यापूर्वी, यावर्षी मे महिन्यात खादी या ब्रँड नावाने बनावट पीपीई किट विक्री केल्याप्रकरणी केव्हीआयसिने तीन कंपन्यांना कायदेशीर नोटीस बजावली होती.

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

5 COMMENTS

  1. Like!! I blog quite often and I genuinely thank you for your information. The article has truly peaked my interest.

LEAVE A REPLY

Please enter your comment!
Please enter your name here