कोण आहेत राज पटेल?
पंतप्रधान मोदींसाठी क्रिस्प्ड मिलेट केक, समर स्क्वाश, मॅरिनेटेड मिलेट, ग्रिल्ड कॉर्न कर्नेल सॅलड, कम्प्रेस्ड वॉटरमेलन , ॲवोकाडो सॉस, स्टफ्ड पोर्टोबेलो मश्रूम अशा आणि इतरही काही खास पदार्थांचा बेत होता पण, यामध्ये ‘पटेल रेड ब्लेंड २०१९’ या वाईनने लक्ष वेधलं. व्हाईट हाऊसच्या डिनरमध्ये डिनरच्या शेवटी ‘पटेल रेड ब्लेंड २०१९’ देण्यात आले. पटेल रेड वाईनचा भारतातील गुजरातशी संबंध असून ही कंपनी राज पटेल यांनी सुरू केली. गुजरातमध्ये जन्मलेले राज पटेल १९७२ मध्ये अमेरिकेत स्थायिक झाले.
Video- व्हाईट हाऊसमध्ये पोहोचताच मोदींचं झालं बॉलिवूड स्टाइलने स्वागत, सारे पाहतच राहिले
अमेरिकेत त्यांनी यूसी डेव्हिस येथे आपले शिक्षण पूर्ण केले आणि नंतर रॉबर्ट मोंडावी वाइनरीमध्ये इंटर्नशिप केली. २००० मध्ये त्यांनी स्वत:चे वाइन उत्पादन करण्यास सुरुवात केल्यावर २००७ मध्ये त्याच्या वाइन उत्पादनाचे रिलीज झाले. सध्या त्यांची वाईनरी सुमारे १००० केसेस तयार करते. तसेच जर आपण किंमतीबद्दल बोललो तर या वाईनच्या एका बाटलीची किंमत ७५ डॉलर्स म्हणजे सुमारे ६००० रुपये आहे.
दरम्यान, पटेल वाईन्सचे मालक राज पटेल यांनी पंतप्रधान नरेंद्र मोदींचे कौतुक करत म्हणाले की, ते भारतात चांगले काम करत आहेत. लक्षात घ्या की वाइन व्यवसायात मुख्यतः फ्रेंच आणि इटालियन ब्रँड्सचे वर्चस्व असते अशा परिस्थितीत भारतीय वाइन ब्रँड एक दुर्मिळ आहे.
https://maharashtratimes.com/lifestyle-news/health-news/modi-ji-thali-launched-in-america-us-according-to-ayurveda-which-is-super-healthy-and-balanced-meal/articleshow/101178495.cms
पटेल वाईन्सचे भारताशी कनेक्शन
ET च्या अहवालानुसार पटेल रेड ब्लेंड २०१९ हे राज पटेल यांच्या मालकीच्या नापा व्हॅली वाइनरीचे उत्पादन आहे. त्यांच्या वेबसाइटवर उपलब्ध माहितीनुसार ही खास रेड वाईन ब्लॅक चेरी, क्रश्ड कोको, ब्लॅक प्लम, प्लम, चेरी आणि रास्पबेरीपासून बनवली जाते. यूएस स्टेट डिनरच्या खास पाहुण्यांना त्यांनी ही रेड वाईन दिली असली तरी ते स्वतः या डिनरमध्ये सहभागी होऊ शकले नाही. राज पटेल यांना व्हाईट हाऊसने वायनरीमधून स्टेट डिनरसाठी रेड वाईन देण्यास सांगितले. मात्र, पटेल यांना निमंत्रित करण्यात आलेले नाही. “आम्हाला फक्त वाइनचा पुरवठा करण्यास सांगितले होते. आम्हाला आमंत्रित करण्यात आले नव्हते.”
