बांभोरी गावातील शनिपेठ भागात आशिष शिरसाळे हा आई-वडील आणि आपल्या मोठ्या भावासह राहत होता. त्याच्या बहिणीचे लग्न झालं आहे. दोघेही भाऊ गावात मोलमजुरी करून कुटुंबाचा उदरनिर्वाह करतात. शुक्रवारी रात्री ९ वाजेच्या सुमारास आशिष हा जेवण झाल्यानंतर गावापासून काही अंतरावर असलेल्या गिरणा नदीपात्रामध्ये शौचास गेला होता.
Uddhav Thackeray : देवेंद्रजी पातळी सांभाळा; परिवार तुम्हालाही, ठाकरेंचा फडणवीसांना इशारा
यादरम्यान रात्रीच्या काळोख्यात काही अज्ञात व्यक्तींनी त्याच्या डोक्यात कुऱ्हाडीचा घाव घालून त्याची हत्या केली. बराच वेळ झाला आशिष घरी आला नाही म्हणून त्याची शोधाशोध झाल्यानंतर काही वेळाने गिरणा नदी पात्रात तो रक्तबंबाळ अवस्थेत पडलेला असल्याची माहिती मिळाली. त्यानंतर पोलिसांना माहिती मिळताच नागरिकांच्या मदतीने त्याला शासकीय वैद्यकीय महाविद्यालय आणि रुग्णालयामध्ये दाखल करण्यात आले. तेथे त्यास वैद्यकीय अधिकाऱ्यांनी मयत घोषित केले.
घटनास्थळी रात्रीच चोपडा विभागाचे पोलीस उपअधीक्षक कृषिकेश रावले, स्थानिक गुन्हे शाखेचे वरिष्ठ पोलीस निरीक्षक किसन नजन पाटील, धरणगाव पोलीस स्टेशनचे निरीक्षक ढमाले तसेच पाळधी पोलीस स्टेशन कर्मचाऱ्यांनी भेट देत पाहणी केली. मयत तरुणाची हत्या कोणी आणि कोणत्या कारणासाठी केली? हे अद्याप स्पष्ट झालेले नाही.
घटनास्थळी काही अंतरावर पोलिसांना त्याचा फुटलेला मोबाईल सापडला. दरम्यान, या हत्येच्या घटनेमुळे बांभोरीसह जळगाव जिल्हा हादरला आहे. जिल्हा रुग्णालयात तरुणाच्या कुटुंबियांनी मोठा आक्रोश केला. दरम्यान, या प्रकरणात गुन्हा दाखल करण्यात आला असून संशयितांना ताब्यात घेऊन त्यांची चौकशी सुरु आहे. हत्येचं नेमकं कारण समोर आलेलं नसून वैयक्तिक वादातून हत्या झाल्याची प्राथमिक माहिती पोलीस अधीक्षक एम.राजकुमार यांनी दिली आहे.
प्रसिद्ध उद्योगपती संतोष शिंदेंनी पत्नी, मुलासह आयुष्य संपवलं; चिठ्ठीत दोन नावं, शहरात खळबळ
