म. टा. विशेष प्रतिनिधी, मुंबई

मागील सहा महिन्यांपासून देशामध्ये झपाट्याने पसरलेल्या करोना साथीचा परमोच्च बिंदू (पीक) नजीक आला असल्याचे दिलासादायक सर्वेक्षण टाइम्स फॅक्ट इंडिया आऊटब्रेक रिपोर्टमधून पुढे आले आहे. २ सप्टेंबर रोजी भारतामध्ये ७.८७ लाख करोनारुग्णांची नोंद होईल, तर १६ सप्टेंबरनंतर करोना संसर्गाचे प्रमाण उतरणीला लागेल, असेही अनुमान या अहवालामध्ये नोंदवण्यात आले आहे. नव्या अॅक्टीव्ह रुग्णांचे प्रमाण हे १७ नोव्हेंबरनंतर कमी व्हायला सुरवात होईल, असाही दिलासा यातून देण्यात आला आहे.

करोनाचा संसर्ग नियंत्रणात आल्याचे पाहण्यासाठी वैद्यकीय विश्लेषणामध्ये बाधित झालेले रुग्ण आणि बरे होत असलेल्या रुग्णांचा तौलनिक अभ्यास करण्यात येतो. देशातील करोनारुग्णांचे बरे होण्याचे प्रमाण हे ७४ टक्के इतके असून संसर्गाच्या वाढीचा दर २.५ टक्क्यांनी खाली आला आहे. प्रतीदिवशी नव्या रुग्णांचे प्रमाण १६ हजारांवरून दहा हजार रुग्णांवर आले आहे. देशातील सर्व प्रमुख राज्यांमध्ये सप्टेंबर महिन्याच्या पहिल्या १५ दिवसांमध्ये संसर्ग होण्याचा दर हा १.५ टक्क्यांपेक्षाही खाली आलेला असेल. कर्नाटक, बिहार आणि आंध्र प्रदेशमध्ये रुग्णसंख्या दुपटीचा वेग बारा ते चौदा दिवसांचा आहे. इतर बहुतांश राज्यामध्ये करोना संसर्गाचा वेग नियंत्रणात ठेवण्यात यश मिळालेले आहे. दिल्ली, मुंबई, पुणे, ठाणे, चेन्नई या शहरांमध्ये संसर्गाचा परमोच्च बिंदू झालेला आहे.

अशी असेल परिस्थिती

भारतामध्ये २ सप्टेंबर रोजी करोना संसर्गाचा परमोच्च बिंदू येईल, त्या दिवशी उपचाराधीन रुग्णांची देशातील संख्या ७,८७,५५० इतकी असेल. तर, एसईआयआर मॉडेलनुसार साथीचा परमोच्च बिंदू १६ सप्टेंबर रोजी येईल. त्यावेळी देशातील उपचाराधीन करोनारुग्णांची संख्या ७,८७,३४९ इतकी असेल. महाराष्ट्रामध्ये साथीचा परमोच्च बिंदू १४ सप्टेंबर असून त्या दिवशी राज्यात २,२३,३२३ रुग्णांची नोंद होईल. एसईआयआर मॉडेलनुसार या दिवशी राज्यात १,९९,७०९ उपचाराधीन रुग्णांची नोंद होण्याची शक्यता टाइम्स फॅक्ट इंडिया आऊटब्रेक अहवालामध्ये व्यक्त करण्यात आली आहे. मुंबईमध्ये साथीचा परमोच्च बिंदू २३ जून रोजी येऊन गेला असून त्या दिवशी २९,९९० रुग्णसंख्या होती. पुण्यात हा दिवस ३१ जुलै असल्याचे यात नमूद करण्यात आले आहे.

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

5 COMMENTS

  1. Hi there, after reading this amazing paragraph i am as well delighted to share my knowledge here with friends.

  2. Like!! I blog quite often and I genuinely thank you for your information. The article has truly peaked my interest.

LEAVE A REPLY

Please enter your comment!
Please enter your name here