औरंगाबाद ग्रामीणच्या पोलिस अधीक्षक यांच्या बंगल्यातील पाच कर्मचाऱ्यांना करोना विषाणूची लागण झाली आहे. त्यात त्यांच्या वाहनचालकाचा देखील समावेश आहे. बंगल्यातील कर्मचाऱ्यांना करोनाची लागण झाल्यामुळे मोक्षदा पाटील, त्यांचे पती महापालिकेचे प्रशासक आस्तिककुमार पांडेय ‘क्वारंटाइन’ झाले आहेत. या दोघांचे आणि त्यांच्या मुलाचे लाळेचे नुमने शुक्रवारी (२१ ऑगस्ट) घेण्यात आले. त्याचा अहवाल ‘निगेटिव्ह’ आला आहे, आता पुन्हा पाच दिवसांनी त्यांच्या लाळेचे नमुने घेतले जाणार आहेत.
पोलिस अधीक्षक मोक्षदा पाटील यांच्या शासकीय बंगल्यातील स्वयंपाकीला काही दिवसांपूर्वी करोनाची लागण झाली होती. त्यावेळी देखील मोक्षदा पाटील, आस्तिककुमार पांडेय व त्यांच्या कुटुंबातील सदस्यांना ‘क्वारंटाइन’ व्हावे लागले होते. आता पुन्हा त्यांच्या बंगल्यातील पाच कर्मचारी ‘करोना पॉझिटिव्ह’ असल्याचे स्पष्ट झाले आहे. त्यात पाटील यांचा वाहन चालक देखील आहे. त्याशिवाय अन्य कर्मचाऱ्यांचा समावेश आहे. पाच कर्मचाऱ्यांच्या तीन नातेवाइकांना देखील करोनाची लागण झाली आहे.
घरात काम करणारे कर्मचारीच करोनाबाधित असल्याचे लक्षात आल्यावर मोक्षदा पाटील, आस्तिककुमार पांडेय ‘क्वारंटाइन’ झाले आहेत. त्यांच्या लाळेचे नमुने घेण्यात आले. त्यांचा अहवाल निगेटिव्ह आला आहे, अशी माहिती महापालिकेच्या आरोग्य वैद्यकीय अधिकारी डॉ. निता पाडळकर यांनी दिली. पुन्हा पाच दिवसांनी त्यांच्या लाळेचे नमुने घेतले जातील, असे त्यांनी सांगितले. पाच दिवसांनंतर घेतल्या जाणाऱ्या लाळेच्या नुमन्याचे अहवाल येईपर्यंत हे दोन्ही वरिष्ठ अधिकारी ‘क्वारंटाइन’ राहतील असे मानले जात आहे.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
Very good article! We are linking to this particularly great content on our site. Keep up the great writing.
Good one! Interesting article over here. It’s pretty worth enough for me.
I learn something new and challenging on blogs I stumbleupon everyday.
Thank you ever so for you article post.
Like!! I blog frequently and I really thank you for your content. The article has truly peaked my interest.