अंडरवर्ल्ड डॉन दाऊद इब्राहिम कराचीमध्येच; पाकिस्तानने दिली 'अशी' कबुली

इस्लामाबाद: मुंबई बॉम्बस्फोट प्रकरणातील मुख्य आरोपी आणि अंडरवर्ल्ड डॉन कराचीत असल्याची कबुली पाकिस्तानने दिली आहे. दाऊद सध्या कराचीमध्ये राहत असल्याची माहिती पाकिस्तानी सरकारच्या कागदपत्रातून उघड झाली आहे. त्यामुळे भारताच्या दाव्यावर पाकिस्तानने स्वत:हूनच शिक्कामोर्तब केल्याची चर्चा सुरू झाली आहे.

आंतरराष्ट्रीय दहशतवादाला रसद पुरवणाऱ्यांवर देखरेख ठेवणाऱ्या ‘फायनान्शिअल अॅक्शन टास्क फोर्स’ (FATF) या संस्थेच्या ग्रे लिस्टमधून बाहेर येण्यासाठी पाकिस्तानची धडपड सुरू आहे. पाकिस्तानने ८८ दहशतवादी संघटनांवर, व्यक्तींवर बंदी, निर्बंध घातले आहेत. त्याबाबतची यादी प्रसिद्ध करण्यात आली. या यादीत दाऊद इब्राहिमचा पत्ता देण्यात आला आहे. दाऊद इब्राहिमचा पत्ता हा ‘व्हाइट हाउस, सौदी मशीदजवळ, क्लिफ्टन, कराची’ असा देण्यात आला आहे. मागील अनेक वर्षांपासून दाऊद इब्राहिम हा पाकिस्तानात असल्याचा दावा भारताकडून करण्यात येतो. मात्र, पाकिस्तानने हा दावा फेटाळून लावला होता. आता मात्र, ‘फायनान्शिअल अॅक्शन टास्क फोर्स’च्या (FATF) कार्यवाहीमुळे पाकिस्तानचे पितळ उघडे पडले आहे.

वाचा:

अंडरवर्ल्ड डॉन असणारा दाऊद इब्राहिमने मुंबई पोलिसांचा ससेमिरा चुकवण्यासाठी १९९०च्या सुमारास दुबईत पळून गेला होता. मुंबईत १९९३ मध्ये झालेल्या बॉम्बस्फोटानंतर भारतीय तपास यंत्रणांना हुलकावणी देत दाऊद इब्राहिम आणि अन्य आरोपींनी पाकिस्तानात आश्रय घेतला असल्याचे समोर आले होते. भारतीय तपास यंत्रणांनी याची माहिती दिल्यानंतरही पाकिस्तान सरकारने दाऊद पाकिस्तानात नसल्याचा कांगावा केला होता. आता मात्र, पाकिस्तान सरकारने स्वत: चा खोटारडेपणा उघड केला आहे.

अंडरवर्ल्ड डॉन दाऊद इब्राहिमचा एकेकाळचा विश्वासू साथीदार एजाज लकडावालाने मुंबई पोलिसांच्या चौकशीत यावर्षीच्या जानेवारी महिन्यातच दाऊदबाबत अत्यंत महत्त्वाची माहिती दिली होती. १९९३मध्ये मुंबईत झालेल्या साखळी बॉम्बस्फोटांचा मुख्य सूत्रधार असलेला दाऊद आजही कराचीतच आहे, असे सांगतानाच दाऊदच्या दोन घरांचे पत्ते लकडावालाने पोलिसांना दिले होते.

वाचा:

वाचा: दरम्यान, आंतरराष्ट्रीय दहशतवादाला रसद पुरवणाऱ्यांवर देखरेख ठेवणाऱ्या ‘फायनान्शिअल अॅक्शन टास्क फोर्स’ (FATF) या संस्थेच्या ग्रे लिस्टमधून बाहेर येण्यासाठी पाकिस्तानची धडपड सुरू आहे. पाकिस्तानने ८८ दहशतवादी संघटना, व्यक्तींवर बंदी, निर्बंध घातले आहेत. त्याशिवाय, दहशतवादी हाफिज सईद, मसूद अझर आणि दाऊद इब्राहिम यांच्या अनेकजणांवर आर्थिक निर्बंध घातले आहेत. . पॅरिस येथील ‘फायनान्शिअल अॅक्शन टास्क फोर्स’ (FATF) या संस्थेने जून २०१८ मध्ये पाकिस्तानला ग्रे यादीत ठेवले होते. पाकिस्तानने तातडीने २०१९ पर्यंत दहशतवादी संघटनांविरोधात टेरर फंडिंगसंदर्भात आपला कृती आराखडा पूर्ण करण्याची सूचना केली होती. मात्र, कोविड-१९ च्या प्रादुर्भावामुळे कारवाईची मुदत वाढवण्यात आली आहे.