शनिवारी उपचारादम्यान दगावलेल्यांपैकी २२ जण हे एकट्या शहरातील तर ५ ग्रामीण मधील तर ३ जिल्ह्याबाहेरील रहिवासी आहेत. ज्यांना आज करोनाने खिंडीत गाठले त्यापैकीही सर्वाधिक ७०९ जण हे शहराच्या विविध भागांमधील रहिवासी आहेत. तर १५७ जिल्ह्याच्या ग्रामीण भागातील तर ३ जण जिल्ह्याबाहेरील रहिवासी आहेत. त्यामुळे करोना प्रादुर्भावाची साखळी खेड्यापाड्यांमध्येही समुदाय प्रादुर्भावातून विस्तारत आहे. त्यामुळे करोनाची दहशत आता शहराचा परिघ ओलांडून खेड्यांमध्ये पोचली आहे.
हा विषाणू प्रसार वाढत असताना दुसरीकडे आजही करोना मुक्त होणाऱ्यांनी विक्रम कायम ठेवला. आज दिवसभरात ८७५ जण करोनावर मात करून घरी परतले. विषाणू मुक्त होणाऱ्यांच्या संख्येनेही १०, २३९ असा पल्ला ओलांडला. करोना रुग्ण बरे होण्याचा सरासरी दर पुन्हा ४९ वरून तिन टक्क्यांनी वाढत ५२ टक्क्यांवर गेला आहे.
शनिवारी करोनाच्या विळख्यात अडकल्याचे निदान झालेल्या ८६९ जणांपैकी अँटिजन रॅपिड टेस्टमधून ४८२, खासगीतून ३०६, मेयोतून ८० तर एम्समधून एकाचा अहवाल पॉझिटिव्ह आला. शहरात सध्याच्या स्थितीत ८६९३ सक्रिय करोनाबाधित रुग्ण विविध कोव्हिड केअर सेंटरमध्ये उपचार घेत आहेत. त्यातील ५८६१ जणांना सौम्य लक्षणे असल्याने घरीच विलगीकरणात ठेवण्यात आले आहे.
करोनाची बाधा झाल्यानंतर मेयोत उपचारादरम्यान शनिवारी ११ जण दगावले. यात अशोक नगरातील ८२, इतवारीतील ७६, शांतीनगरातील नानक गार्डन येथील ४२, ६०, आनंद नगर बिनाकी येथील ६२, धंतोलीतील ७९, जाफर नगरातील ६८ वर्षीय पुरुषांचा तर कामगार नगरातील ६०, कामठी मार्गावरील ४०, गोरेवाडातील ५७, सदर मंगळवारी बाजार येथील ७३ वर्षीय महिलांचा समावेश आहे.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
I love looking through a post that can make people think. Also, many thanks for permitting me to comment!
Hi there, after reading this amazing paragraph i am as well delighted to share my knowledge here with friends.
I learn something new and challenging on blogs I stumbleupon everyday.
Thanks so much for the blog post.
Like!! I blog quite often and I genuinely thank you for your information. The article has truly peaked my interest.