सांगलीत दरवर्षी गणेशोत्सव मोठ्या थाटामाटात साजरा होतो. सांगली संस्थानासह तासगावातील गणेश पंचायतन ट्रस्टच्या रथोत्सवाचे भाविकांना आकर्षण असते. लाखो भाविकांच्या उपस्थितीत हा उत्सव साजरा होतो. मात्र, यंदा करोना संसर्गामुळे जिल्ह्यात साधेपणाने गणेशोत्सव साजरा होत आहे. शनिवारी सकाळपासूनच बाप्पांच्या स्वागताची लगबग सुरू होती. गर्दी टाळण्यासाठी सांगली महानगरपालिकेने वॉर्डनिहाय मूर्तींच्या विक्रीचे नियोजन केले होते. यामुळे बाजारपेठांमधील गर्दी टाळता आली. घरगुती गणपतींसह सार्वजनिक मंडळांच्या गणेशमूर्तींचे स्वागत करण्यासाठी नेहमी पारंपरिक वाद्यांसह ध्वनी यंत्रणांचा दणदणाट असतो. पण, यंदा गणपती बाप्पा मोरयाच्या गजरात विघ्नहर्त्याचे स्वागत करण्यात आले. सार्वजनिक मंडळांना मिरवणुका आणि मंडप घालण्यासाठी परवानगी नसल्याने मंडळांनी साधेपणाने बाप्पांचे स्वागत केले. अनेक नागरिकांनी गेल्या दोन दिवसांपासूनच मूर्ती घरी घेऊन जाण्यास सुरुवात केली होती. यामुळे शनिवारी शहरात गर्दी टाळता आली.
सांगलीत विजयसिंह राजे पटवर्धन यांच्या उपस्थितीत दरबार हॉलमध्ये गणेशाची प्रतिष्ठापना झाली. करोना संसर्गामुळे मंदिरातील सर्व कार्यक्रम रद्द करण्यात आले आहेत. मात्र, धार्मिक विधी नियमानुसार होणार असल्याचे यापूर्वीच ट्रस्टने स्पष्ट केले आहे. तासगावातील गणेश मंदिरातही भक्तिमय वातावरणात लाडक्या बाप्पाची प्रतिष्ठापना झाली. दीड दिवसाच्या गणपतीचे रविवारी विसर्जन होणार आहे. मात्र, नेहमीप्रमाणे यंदा रथोत्सव होणार नाही. रविवारी दुपारी ट्रस्टचे पदाधिकारी आणि मोजक्या पुजाऱ्यांच्या उपस्थित गणपतीचे विसर्जन होईल, अशी माहिती ट्रस्टने दिली आहे. २४१ वर्षांच्या परंपरेत यंदा तिसऱ्यांदा रथोत्सव रद्द करावा लागला आहे. १९४२ मध्ये ब्रिटिश सरकारने रथोत्सव रद्द केला होता. यानंतर १९७२ मध्ये दुष्काळामुळे रथोत्सव रद्द झाला. यंदा करोना संसर्गामुळे रथोत्सव रद्द करण्याचा निर्णय घ्यावा लागला. यामुळे भाविकांच्या गर्दीविनाच बाप्पांचे आगमन झाले आणि विसर्जन होणार आहे.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
These are actually great ideas in concerning blogging.
I like this website very much, Its a very nice office to read and incur information.
Hi there, after reading this amazing paragraph i am as well delighted to share my knowledge here with friends.
A big thank you for your article.
I like the valuable information you provide in your articles.
Like!! Really appreciate you sharing this blog post.Really thank you! Keep writing.