जळगाव : समृद्धी महामार्ग हा उपमुख्यमंत्री देवेंद्र फडणवीस यांचा ड्रीम प्रोजेक्ट आहे. मात्र या समृद्धी महामार्गावरील अपघातांच्या वाढत्या संख्येमुळे अनेक कुटुंब उद्ध्वस्त होत असून दुसरीकडे अनेकांचे स्वप्न भंग होत आहेत. आपल्या स्वप्नांची पूर्तता करण्यासाठी मात्र इतरांची स्वप्न उद्ध्वस्त करणे चुकीची बाब आहे, अशी टीका राष्ट्रवादी काँग्रेसचे नेते एकनाथ खडसे यांनी केली.

बुलढाणा जिल्ह्यातील सिंदखेडराजा येथे समृद्धी महामार्गावर पहाटे खाजगी बसचा भीषण अपघात झाला आहे. यात २६ जणांचा दुर्दैवी मृत्यू झाला आहे. ही घटना अत्यंत दुर्दैवी असल्याचं एकनाथ खडसे यांनी म्हटले आहे. या अपघातात मृत्यू झालेल्यांची कुटुंब उघड्यावर आली आहेत. या घटनेतील सर्व मृत मयत आत्म्यांना शांती लाभो अशी ईश्वर चरणी प्रार्थना करतो, असं सुद्धा एकनाथ खडसे यांनी म्हटले आहे.

Samruddhi Mahamarg: अपघातात एखाद्या व्यक्तीचा मृत्यू झाल्यास लोकं बोलतात तो ‘देवेंद्रवासी’ झाला: शरद पवार

समृद्धी महामार्ग हा प्रकल्प पूर्ण झाला तेव्हापासून या समृद्धी महामार्गावर सातत्याने मोठ्या प्रमाणावर अपघात होत आहेत. अपघातात मोठ्या संख्येने लोक मृत्युमुखी पावत आहेत. या ठिकाणच्या अपघाताची आकडेवारी पाहिली तर १०० दिवसात या समृद्धी महामार्गावर ९०० पेक्षा जास्त लहान-मोठे अपघात झाले आहेत. या अपघातामध्ये शेकडोच्या संख्येने लोक या ठिकाणी मृत्युमुखी पडले आहेत.एकीकडे समृद्धी महामार्ग हा उपमुख्यमंत्री देवेंद्र फडणवीस यांचा ड्रीम प्रोजेक्ट आहे. दुसरीकडे मात्र या महामार्गावर झालेल्या अपघातात मृत्यू झालेल्या सर्वांची स्वप्न भंग झाली आहेत, असा चिमटा एकनाथ खडसे यांनी बोलताना देवेंद्र फडणवीस यांना काढला.

१.२० मिनिटांनी बहिणीशी फोनवर बोलला, १.२२ वाजता बसला अपघात, भाऊराया गेला; चटका लावणारी कहाणी

आपलं स्वप्न पूर्ण करताना सऱ्यांचा स्वप्नभंग होतोय : एकनाथ खडसे

चौपदरी असतील किंवा सहा पदरी रस्ते असतील NAHI च्या माध्यमातून असे महामार्ग तयार करण्यात आले. मात्र, एवढ्या कमी दिवसांत एवढ्या मोठ्या प्रमाणावर अपघात कधी झाले नाहीत, असे नितीन गडकरी यांनी म्हटले. गडकरी यांच्या या वक्तव्याची आठवण यावेळी एकनाथ खडसे यांनी करून दिली. NAHI च्या निकषाचं पालन केलं पाहिजे, आपण कुठेतरी चुकत आहोत, या चुका दुरुस्त केल्या पाहिजेत. कारण अपघातामध्ये मोठया प्रमाणावर मृत्यू झाल्याने अनेक कुटुंब उघड्यावर येत आहेत. आपलं स्वप्न पूर्ण करताना आपण मात्र दुसऱ्यांचा स्वप्नभंग करत आहोत, अशा शब्दांत खडसेंनी फडणवीस यांच्यावर निशाणा साधला. खडसेंच्या या वक्तव्यावरून आता खडसे व देवेंद्र फडणवीस यांच्यातील शाब्दिक संघर्ष पुन्हा उफाळून येण्याची शक्यता आहे.

टायर फुटल्यानं बसचा अपघात झाल्याची शक्यता; सिंदखेडराजा बस अपघाताबाबत देवेंद्र फडणवीसांची प्रतिक्रिया

LEAVE A REPLY

Please enter your comment!
Please enter your name here