शिवसेनेसारखाच राष्ट्रवादी पक्ष फुटला का? शरद पवार यांचा अजित पवार यांच्या शपथविधीला पाठिंबा आहे का? शरद पवार यांना भाजपबरोबर जायचंय का? अशा प्रश्नांनी महाराष्ट्राच्या मनात रुंजी घातलेली असतानाच शरद पवार यांची भूमिका स्पष्ट करण्याचा संजय राऊत यांनी प्रयत्न केलेला आहे. अजित पवार यांच्या शपथविधीवर शरद पवार यांच्याशी फोनवरुन राऊत यांचं बोलणं झालं.
महाराष्ट्राच्या राजकारणाचं साफ मातेरं करण्याचा विडा काही लोकांनी उचललेला आहे. त्यांना त्यांच्या मार्गाने जाऊ द्या. मी खंबीर आहे. लोकांचा पाठिंबा आपल्याला आहे. उद्धव ठाकरेंच्या सोबतीने पुन्हा सर्व आपण नव्याने उभा करू. महाराष्ट्राची जनता हे फार काळ सहन करणार नाही, असं शरद पवार म्हणाल्याचं संजय राऊत यांनी सांगितलं.
अजित पवार राज्याचे नवे उपमुख्यमंत्री, दादांसोबत कोणी कोणी शपथ घेतली?
अजितदादांबरोबर कुणी कुणी शपथ घेतली?
थोड्या वेळापूर्वीच अजित पवार यांनी उपमुख्यमंत्रीपदाची शपथ घेतलेली आहे. त्यांच्यासोबत राष्ट्रवादीचे जेष्ठ नेते छगन भुजबळ, दिलीप वळसे पाटील, हसन मुश्रीफ, धनंजय मुंडे, धर्मराव बाबा आत्राम, आदिती तटकरे, संजय बनसोडे आणि अनिल भाईदास पाटील यांनीही मंत्रीपदाची शपथ घेतलेली आहे. मुख्यमंत्री एकनाथ शिंदे यांच्या साथीला आता दोन उपमुख्यमंत्री असणार आहेत. देवेंद्र फडणवीस यांना केंद्रात मोठी जबाबदारी मिळण्याची शक्यता देखील वर्तवली जातीये.
