पिडीत तरुणीला जीवे मारण्याचा प्रयत्न आरोपींनी केला होता. कोयता हल्ल्यात पीडित तरूणीचे उजव्या हाताची दोन बोट छाटली गेली. तिच्या डोक्यात कोयत्याने सपासप वार केल्याने अर्धमेल्या तरुणीला त्याच अवस्थेत सोडून संशयित दोन आरोपी फरार झाले होते. पोलिसांनी त्यांना अटक केली आहे.हल्ला झालेल्या अल्पवयीन विद्यार्थीनीवर सोलापुरातील रुग्णालयात अतिदक्षता विभागात महिनाभर उपचार करून वाचवले. या हल्ल्यात तिला कायमचे अपंगत्व आले तिचे बारावीचे दोन पेपर राहिले तरीही मुख्यमंत्री एकनाथ शिंदेनी थोडंसुद्धा लक्ष दिले नाही, अशी खंत पीडित विद्यार्थीनीच्या आईने बोलताना व्यक्त केली.
बार्शी निर्भया प्रकरणावरून संजय राऊतांवर गुन्हा दाखल:
बार्शी निर्भया प्रकरणावरून राज्यभर गदारोळ उठला होता. शिवसेनेचे खासदार संजय राऊत यांनी पीडित तरूणीचा जखमी अवस्थेतील फोटो ट्विटरवर शेअर केला होता. बलात्कार पीडितेची ओळख होईल अशा अवस्थेत फोटो शेअर केला ,म्हणून खासदार संजय राऊत यांवर बार्शी शहर पोलीस ठाण्यात गुन्हा दाखल करण्यात आला होता. बार्शी निर्भया प्रकरणाची विधानसभेतदेखील चर्चा झाली होती. त्यावेळी मुख्यमंत्र्यांनी काहीही मदत निधी जाहीर केली नाही. पुण्यातील तरूणीवर हल्ला करण्याचा प्रयत्न झाला,त्यावेळी पीडित तरूणीला मात्र मुख्यमंत्र्यांनी लाखो रुपयांचा मदतनिधी घोषित केला आहे.
आधी सून गेली, नंतर मुलगा; एकुलता आधार असलेल्या नातवाच्या अकस्मात मृत्यूने आजीचा आक्रोश
पीडितेच्या आईने व्यक केली खंत:
बार्शी निर्भया प्रकरणातील पीडितेच्या आईने माध्यमांसमोर येऊन खंत व्यक्त केली आहे. माझ्या मुलीवर कोयत्याने वार करण्यात आले. खुनी हल्ल्यात तिची बोटे तुटली, तिला कायमचे अपंगत्व आले. महिनाभर तिच्यावर खाजगी रुग्णालयात उपचार केले, उपचारासाठी पैसे देखील नव्हते. नातेवाईकांकडून ,ओळखीच्या लोकांकडून लाखो रुपये उधारीने घेऊन रुग्णालयाचा खर्च केला. आजही बार्शीत राहावयास भीती वाटते. संशयित आरोपींच्या नातेवाईकांकडून धमक्या येतात. बार्शी सोडून लपून छपून जीवन जगण्याची वेळ आली आहे. पोलिसांनी या प्रकरणात दोन संशयित आरोपींना अटक देखील केली आहे. सोलापूरला पुढील उपचार करण्यासाठी यावं जावं लागतं, काहीही मदत मिळत नाही, स्वखर्चाने मुलीवर पुढील उपचार करत आहे. हल्लेखोरांनी तिच्या डोक्यात कोयत्याने वार केला आहे, डोक्याची कवटी पम्चर झाली असे डॉक्टर म्हणतात. आम्हाला काहीही मदत मिळत नाही, अशी खंत पीडितेच्या आईने व्यक्त केली आहे.
मुख्यमंत्र्यांनी बार्शी निर्भया प्रकरणात लक्ष द्यावे; पीडितेच्या आईची मागणी:
मुख्यमंत्री एकनाथ शिंदेंनी पुण्यातील पीडित तरूणीला ज्याप्रमाणे मदत जाहीर केली, त्याप्रमाणे सोलापुरातील पीडित तरूणीला मदत द्यावी अशी मागणी पीडितेच्या आईने केली आहे. पुण्यातील तरूणीवर हल्लेखोरांनी फक्त हल्ला करण्याचा प्रयत्न केला होता, पण सोलापुरातील पीडित तरुणीवर कोयत्याने हल्ला करून तिला कायमचे अपंगत्व आणले. तिच्या आयुष्यभराच नुकसान केलं. तिला भारतीय नौदलात भरती व्हायचे होते पण बोटं तुटल्याने ती आता नेव्हीमध्ये नोकरीचा अर्जदेखील करू शकत नाही. तिची सर्व स्वप्ने अपूर्ण राहिली, मुख्यमंत्री एकनाथ शिंदेंनी एकाला एक न्याय आणि दुसऱ्याना दुसरा न्याय ,असे करू नये. अशी आर्त हाक पीडितेच्या आईने मुख्यमंत्र्यांना दिली आहे.
Dhule Accident: ब्रेक फेल होऊन भरधाव कंटेनर हॉटेलमध्ये शिरला, ५ जणांचा जागीच चिरडून मृत्यू
