यावर्षी आयपीएल युएईमध्ये १९ सप्टेंबरपासून सुरु होणार आहे. आयपीएलमधील सर्व संघ हे युएईमध्ये दाखल झाले आहेत. पण आयपीएलवरील संकटाचे ढग काही कमी होताना दिसत नाहीत. कारण फक्त या एका चुकीमुळे आयपीएलला मोठा धक्का बसू शकतो, असे म्हटले जात आहे.

सध्याच्या करोनाच्या काळात सुरक्षितता ही सर्वात महत्वाची समजली जात आहे. आयपीएलसाठी सर्व सुरक्षा व्यवस्था चोख ठेवण्यात आली आहे. त्याचबरोबर युएईमधील सर्व नियमही पाळण्यात आलेले आहेत. पण हे सर्व करून फक्त जर एक चूक झाली तर आयपीएलला धक्का बसू शकतो, असे म्हटले जात आहे.

आज विराट कोहलीच्या नेतृत्वाखालील आरसीबी संघाची एक बैठक झाली. या बैठकीमध्ये कोहलीसह प्रशिक्षक आणि खेळाडूही उपस्थित होते. यावेळी कोहलीने सर्वांना परिस्थितीची जाणीव करून दिली. कोहलीने या बैठकीमध्ये एक भाषण केले, यामध्ये कोहलीने खेळाडूंना एक ताकिद दिल्याचे समजते आहे.

कोहली या बैठकीमध्ये म्हणाला की, ” सध्याच्या घडीला करोनाचे वातावरण असले तरी आपल्या सर्वांना सुरक्षित राहायचे आहे. सर्वांच्या सुरक्षिततेसाठी काही नियम बनवले गेले आहे. हे नियम कोणीही मोडू नयेत. हे नियम मोडले गेले तर आयपीएलला धक्का बसू शकतो. आपल्यामुळे संपूर्ण स्पर्धेला धक्का बसावा, असे आपण कोणतेही कृत्य करणार नाही. पण तरीदेखील प्रत्येक खेळाडूने सुरक्षितता बाळगायला हवी. बायो बबल तंत्रज्ञानामध्ये आपण सर्व जण राहणार आहोत. त्यामुळे याचे सर्व नियम आपण पाळायला हवेत, जर एका खेळाडूने जरी नियम पाळला नाही तर त्याचा फटका सर्वांना बसू शकतो.”

विवो दरवर्षी आयपीएलला ४४० कोटी रुपये देत होती. पण त्यानंतर बीसीसीआयने निविदा मागवल्या आणि ड्रीम इलेव्हन या कंपनीला आपली मुख्य स्पॉन्सरशिप २२२ कोटी रुपयांमध्ये दिली होती. ड्रीम इलेव्हन ही कंपनी चीनची असल्याचे बोलले गेले होते. त्यामुळे मोठा वादंग निर्माण झाला होता. हा वाद शमतो न शमतो ते आयपीएलला अजून एक धक्का बसला आहे. एका स्पर्धेसाठी बरेच स्पॉन्सर असतात. विवो ही कंपनी आयपीएलची मुख्य स्पॉन्सर होती आणि आता ही जागा ड्रीम इलेव्हनने घेतली आहे. पण आयपीएलमध्ये असोसिएट स्पॉन्सर फ्युचर ग्रुप होती. गेल्या पाच वर्षांपासून ही कंपनी आयपीएलबरोबर जोडलेली होती. पण आता अचानक या कंपनीने आयपीएलबरोबरचा आपला करार रद्द केला आहे. आयपीएलनेही आपल्या वेबसाईटवरून या कंपनीचे नाव काढून टाकले आहे.

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

5 COMMENTS

LEAVE A REPLY

Please enter your comment!
Please enter your name here